Категории блога
როგორ შევუმსუბუქოთ ბავშვებს ზაფხულის პერიოდი?
ზაფხული ყველაზე მცხუნვარე, მზიანი და ფერადი სეზონია, რომელიც დიდსაც და პატარასაც უყვარს. თუმცა ზოგჯერ ტემპერატურის მომატებული მაჩვენებელი და მისგან გამოწვეული უმოქმედობა, გვღლის და გვინდა, რომ მალე აცივდეს. ზაფხულის მწველი მზე მშობლების ერთ-ერთი მტერია, რომელთათვის ბავშვის მოვლა უმთავრესი პრიორიტეტია. მაშინ, როდესაც ოჯახი ქალაქში რჩება და სიცხეს ებრძვის, მთავარი საზრუნავი პატარების გაგრილება ხდება,
როგორ შევუმსუბუქოთ ბავშვებს ზაფხულის პერიოდი?
- აუცილებელია, რომ პაწიები მსუბუქად ჩაცმულნი იყვნენ. ამისათვის კარგი იქნება, თუ შეარჩევთ ისეთ ტანსაცმელს, რომელიც ჰაერგამტარია. ასეთი, მაგალითად, ბამბაა, რომელშიც ბავშვის კანი სუნთქავს.
- მსუბუქ ტანსაცმელთან ერთად არ უნდა დაგვავიწყდეს, რომ პატარების ორგანიზმებსაც სჭირდება ჰიდრატაცია. თუკი ბავშვი უკვე მყარ კვებაზეა, ხშირად შესთავაზეთ მას წყალი.
- რაკიღა ბავშვებს ძალიან უყვართ გარეთ თამაში და ამ სეზონზეც კი თავის შეკავება რთულია ამისგან, გამოსავალი ჩრდილში ყოფნასა და დროის განაწილებაშია. ამით პატარას აარიდებთ მზის პირდაპირი სხივებისგან. სეირნობისთვის უმჯობესი დრო ან დილაა, ან საღამო, როცა მზე არც ისე აქტიურია.
- ნელთბილი აბაზანები და ჭყუმპალაობა ბავშვებს ახალისებს და მეტ ენერგიას მატებს. ამიტომაც, შეგიძლიათ კვირაში რამდენიმე დღე აბაზანებს დაუთმოთ, თუმცა არ დაგავიწყდეთ, რომ ბოლომდე ცივი წყალი არ არის რეკომენდებული.
- ქუდი და მზის სათვალე ზაფხულის განუყრელი მეგობრები არიან და მათ გარეშე ყოფნა წარმოუდგენელია. ფართოფარფლებიანი ან პანამა ქუდი უფრო კომფორტულია, ვიდრე ჩვეულებრივი კეპი.
მაღალი ტემპერატურის დროს ყურადღებით დააკვირდით თქვენს შვილებს, რადგან ბავშვები უფრო მგრძნობიარენი არიან სითბოს ზემოქმედების მიმართ. სანამ აგრილდება, ამ რჩევების გათვალისწინება უფროსებსაც შეგვიძლია.
0 მოსწონს
