ძილის რეგრესია

წინა პოსტში ძილის რეგრესიაზე ვისაუბრეთ, რომელიც ბავშვის განვითარების გარკვეულ ეტაპებს ემთხვევა და რამდენიმე კვირის განმავლობაში გრძელდება
✔ თუმცა რა თქმა უნდა, ეს იმას არ ნიშნავს, რომ ამის შემსუბუქება არ შეიძლება როგორც ბავშვის (რომელიც წუხს და ჭირვეულობს), ისე მშობლებისთვის
❓ როგორ მივხვდეთ, რომ საქმე ძილის რეგრესიას ეხება?
✔ უჭირს დაძინება ჩვეულ დროს მაშინ, როცა აქამდე უპრობლემოდ იძინებდა
✔ ხშირად იღვიძებს და უჭირს მშვიდად ძილი
✔ მოულოდნელად აცხადებს უარს დღისით ძილზე ან თუ დაიძინებს, მალევე ეღვიძება
✔ ძილის რეჟიმი უფრო არარეგულარული ხდება
✔ ბავშვი ჩვეულებრივზე უფრო მეტად გაღიზიანებულია

✔ პირველ რიგში ესაუბრეთ პედიატრს და დარწმუნდით, რომ ჯანმრთელობის პრობლემა გამორიცხულია
✔ შემდეგ კი შეგიძლიათ ამ დროებით ცვლილებასთან გასამკლავებლად აღიჭურვოთ:
✔ პირველ რიგში, მოფერების და ჩახუტების დამატებითი დოზებია საჭირო. ბავშვის ორგანიზმი და ფსიქიკა ახლა მნიშვნელოვანი ცვლილებების ეტაპზეა, ხშირად ღიზიანდება და ჭირვეულობს, ამიტომ ძილთან არაასოცირებული პოზიტიური გავლენა მნიშვნელოვანია
✔ ღამით გაღვიძებისას აცადეთ რამდენიმე წუთი - შეიძლება აღმოაჩინოთ რომ დამოუკიდებლად ჩაძინებას სწავლობს
✔ თუ მაინც უჭირს, ღამით ისევ ჩაძინებაში დაეხმარეთ ისე, რომ ეს არ ასოცირდებოდეს დამატებით რწევასთან (შედარებით დიდ ასაკში კი საკვებთან), რადგან რეგრესიის ფაზის გავლის შემდეგ შეიძლება ჩვევაში გადაიზარდოს.
✔ ძილისწინა რიტუალები შეინარჩუნეთ - ახლა ისედაც ცვლილებების პერიოდია, ამიტომ არსებული რუტინების შენარჩუნება მნიშვნელოვანია და უარს ნუ იტყვით. დამატებით შეგიძლიათ პატარას შესთავაზოთ მსუბუქი დამამშვიდებელი მასაჟიც.
✔ არ შეცვალოთ დასაძინებელი გარემო რეგრესიის პერიოდში.
ისევე, როგორც ძილისწინა რუტინა - თუ ყოველთვის მშობლების ოთახში სძინავს, ნუ გადაიყვანთ ცალკე ოთახში, თუ ძილისას თეთრი ხმაური იყო ჩართული, შეინარჩუნეთ და ა.შ
✔ მოქნილი გრაფიკი დღისით: განსაკუთრებული ყურადღება დაუთმეთ ბავშვის ძილის ნიშნებს - თვალების სრესვას, მთქნარებას, და დღის განმავლობაში დააძინეთ მაშინ, როცა ეძინება. ასე თავიდან აირიდებთ გადაღლას, რომელიც როგორც წესი, ჩაძინებაში უშლით ხელს