ბავშვის პირველი ნაბიჯები

ბავშვის სამყარო ნებისმიერ დროს სავსეა სიახლეებით და ხალისით. თუ საქმე ეხება ბავშვის ყველაფერ „პირველს“ – სიტყვას, ნაბიჯის გადადგმას, დამოუკიდებლად ჭამას, ეს მომენტები ორჯერ მეტად დასამახსოვრებელია, რადგან სწორედ მაშინ იწყება ახალ-ახალი ისტორიები.

მაშინ, როდესაც პატარა სიარულის სწავლას იწყებს, ახალი გამოწვევების წინაშე დგებიან მშობლები და მაქსიმალურად ცდილობენ, ხელი შეუწყონ თავიანთ პატარას, რათა ნაკლები დაზიანება მიიღოს, მიუხედავად იმისა, რომ ხშირად ღიმილის მომგვრელია ბავშვის მიერ ბაჯბაჯი და ხშირი დაცემა.

საბავშვო ჭოჭინები, მიუხედავად იმისა, რომ კამათის საგანია, მნიშვნელოვნად შეუძლია დაეხმაროს ბავშვს ზრდასა და განვითარებაში. ჭოჭინის უმთავრესი პრიორიტეტიც ისაა, რომ ის მაქსიმალურად აუმჯობესებს ფიზიკურ განვითარებას (აძლიერებს ფეხის კუნთებს), კოგნიტიურ უნარებს და, გარდა ამისა, გართობასაც უზრუნველყოფს.

რატომაა საბავშვო ჭოჭინა ღირებული ინსტრუმენტი თქვენი ბავშვის საერთო განვითარებისთვის?

საბავშვო ჭოჭინა ხელს უწყობს წონასწორობის შენარჩუნებას, კოორდინაციას და მოტორულ უნარებს, რითაც მხარს უჭერს ბავშვებს, რომლებიც სიარულის სწავლას ახლა იწყებენ.

ბავშვები, დამოუკიდებლობის შეგრძნების დახმარებით, რომელსაც ჭოჭინა სთავაზობს მათ, იწყებენ ძიებას, ავლენენ ცნობისმოყვარეობას გარემოს მიმართ და უვითარდებათ სენსორული უნარები.

თავისი ფუნქციურობის პარალელურად, ჭოჭინა გართობასაც უზრუნველყოფს – ფერადი სათამაშოებით, განათებითა და მუსიკით, რითაც პატარები ერთობიან და იცინიან. ეს სასიამოვნო გარემო კი ხელს უწყობს ფიზიკურ აქტივობას და პოზიტიურ დამოკიდებულებას მოძრაობის მიმართ.

ფერად ჭოჭინებთან ერთად, ვფიქრობთ, არავინ მოიწყენს – არც პატარები და არც მშობლები. მისი უნიკალურობის საიდუმლოც სწორედ ესაა, რომ შექმნას მყუდრო და თბილი გარემო. 

მეტი სასარგებლო სტატიები

Lorena Canals-ის 5 უნიკალური ხელნაკეთი პროდუქტი Labebe Boutique-ისგან – ეკომეგობრული ხალიჩები, ბალიშები და სათავსოები, რომლებიც ფუნქციურობას, სტილსა და ბავშვის განვითარებას აერთიანებს. გაალამაზეთ საბავშვო ოთახი გემოვნებით და სიყვარულით.
ადრეული ბავშვობა იმ უნიკალურ ფაზას წარმოადგენს, როცა ტვინი ყველაზე აქტიურად ყალიბდება. ამ პერიოდში ყოველ ხმოვან სტიმულაციას, რომელსაც ჩვილი იღებს
თუ გინდათ მარტივად გაარკვიოთ, რომელი ვარიანტია თქვენთვის საუკეთესო, გაეცანით ამ ბლოგს და გაიგეთ, როგორ უნდა შეარჩიოთ იდეალური სკამი ისე, რომ ბავშვიც კმაყოფილი იყოს და სახლის ატმოსფეროც უფრო ესთეტიკური გახდეს.