როგორ შევქმნათ ზამთარში იდეალური გარემო ბავშვებისთვის?
ზამთარი ჯადოსნური სეზონია, რომელიც სავსეა ოჯახური თავგადასავლებით, საშობაო და საახალწლო ფუსფუსითა და საინტერესოდ გატარებული დროით. თუმცა წელიწადის ამ დროს თან ახლავს ისეთი გამოწვევებიც, როგორებიცაა დაბალი ტემპერატურა, მოკლე დღეები, ბავშვების ჯანმრთელობა და უსაფრთხოება.
ზამთარში ბავშვებისთვის იდეალური პირობების შეთავაზება გულისხმობს მყუდრო გარემოს შექმნას და არსებული შესაძლებლობების დაბალანსებას. ცივმა სეზონმა რომ უფრო სასიამოვნოდ ჩაიაროს, მშობლებმა წვრილმანებსაც უნდა მიაქციონ ყურადღება და მაქსიმალურად უზრუნველყონ შვილის როგორც უსაფრთხოება, ისე – გართობა.
ამ პერიოდში პატარები დროის დიდ ნაწილს სახლში ატარებენ და ამიტომ მნიშვნელოვანია, რომ მათი სივრცე კომფორტული და სითბოთი გაჯერებული იყოს. მაგალითად, დღის განმავლობაში უმჯობესია, რომ ფარდები ბოლომდე გადასწიოთ, რათა მზის შუქი შემოვიდეს და მთელი ოჯახის განწყობა გააუმჯობესოს. პირველადი განათების დროს თამაში უფრო ნაყოფიერიც იქნება და ბავშვი თავისუფლად დაკავდება მისთვის საინტერესო აქტივობებით.
ზაფხულისადმი ნოსტალგიის შემსუბუქებისთვის ყველაზე ოპტიმალური ვარიანტი სენსორული ხალიჩების გამოყენებაა. სახლის კედლებში მოწყობილი ჟრიამული აანაზღაურებს იმ დანაკლისს, რომელიც ამ პერიოდს ახლავს. ხალიჩა-ფაზლების ნაკრები ბავშვს საშუალებას მისცემს, რომ ზამთრის დღეებშიც კი შეიგრძნოს ქვიშის სანაპირო და ამწვანებული ბალახი.
ფეხების სენსორული მასაჟი, გარდა იმისა, რომ სასიამოვნო შეგრძნებებს აღძრავს, სისხლის მიმოქცევასაც აუმჯობესებს და ხელს უშლის ორთოპედიული პრობლემების წარმოქმნას. ხალიჩების დახმარებით ბავშვი გამოიმუშავებს სენსორულ და მოტორულ უნარებს.
ზამთრის განმავლობაში აუცილებელია ჰაერის დატენიანება, რითაც თავიდან აირიდებთ ბავშვის კანის გამოშრობას და სუნთქვის გაღიზიანებას. ამასთანავე, საჭიროა შესაბამისად ჩაცმა, რომ პატარას არც სციოდეს და არც დისკომფორტი ჰქონდეს.
ზამთარი გაციების სეზონია, ამიტომ ჯანსაღი კვება ძალიან მნიშვნელოვანია. რაციონში შეიტანეთ ციტრუსები ვიტამინების მისაღებად, ხოლო წყლის სმა წაახალისეთ, რადგან ზამთარში ბავშვები ნაკლებ სითხეს სვამენ ხოლმე.
მრავალფეროვანი საღამოების მოსაწყობად იდეალურია წინა საახალწლო სამზადისი – შვილთან ერთად შექმენით სადღესასწაულო დეკორაციები, ააწყვეთ ნაძვის ხე და მორთეთ ოთახები. ძილის წინ კი საშობაო ზღაპრების კითხვას და იმის წარმოდგენას, როგორია სანტა კლაუსი არაფერი სჯობს.
