ძილის რეგრესიის შესახებ

❓ გსმენიათ ძილის რეგრესიის შესახებ?

მეტ-ნაკლებად მოწესრიგებული ძილის რეჟიმის მქონე ბავშვს მოულოდნელად უჭირს ჩაძინება და ღამეც ხშირად იღვიძებს. ყველაზე ხშირად ეს ფიქსირდება 4, 6, 8, 12 და18 თვის ასაკში და ორიდან ოთხ კვირამდე შეიძლება გაგრძელდეს
❓ ძირითადად როდის ხდება ძილის რეგრესია?
✔ ძილ-ღვიძილის ციკლის ცვლილების პერიოდში: სამიდან ექვს თვემდე პერიოდში ბავშვები ბუნებრივად ცვლიან ძილ-ღვიძილის ციკლს ისე, რომ დღე უფრო მეტხანს იფხიზლონ და ღამე უფრო დიდხანს ეძინოთ. მათი რუტინა მოზრდილებისას ნელ-ნელა ემსგავსება.
✔ განვითარების მნიშვნელოვანი საფეხურები: მაშინ, როცა პატარა ახალ უნარს ითვისებს, მაგალითად ზურგიდან მუცელზე გადაბრუნებას, ცოცვას ან ფეხზე დგომას
ცვლილებები გარემოში: ბავშვების ძილზე გარემო ფაქტორებიც ახდენს გავლენას. შეიძლება ეს იყოს ტემპერატურის ცვლილება, ოთახის ან/და სახლის შეცვლა და ა.შ.
✔ განშორების შფოთვა: დაახლოებით 6-დან 12 თვემდე ბავშვი იწყებს იმის აღქმას, რომ თქვენგან დამოუკიდებელია და შეიძლება დედ-მამის გარეშე ოთახსი დარჩენისას შფოთვა დაიწყოს. ეს შფოთვა პიკს 10-დან 18 თვემდე აღწევს და 2 წლის ასაკისთვის ქრება. ბავშვს შეიძლება გაეღვიძოს ღამე და ტირილით მოგიხმოთ, საწოლიდან ამოძვრომა სცადოს ან თქვენს საწოლში მოითხოვოს დაძინება. ეს ბავშვის ემოციური განვითარების ბუნებრივი ფაზაა
✔ ცვლილებები რუტინაში: შეიძლება დასასვენებლად ხართ წასული და ცოტა გვიან მოუწია დაძინება, შეიძლება პატარა ავადმყოფობდა და მიეჩვია, რომ ღამის მანძილზე მუდმივად მის გვერდით იყავით. ნებისმიერმა ცვლილებამ ბავშვის რუტინაში შეიძლება ძილის პატერნების დარღვევა გამოიწვიოს
✔ ავადმყოფობა
ავადმყოფობამ ასევე შეიძლება ძილის რეგრესი გამოიწვიოს, ამიტომ თუ ჩათვლით, რომ ბავშვს რამე აწუხებს და ამიტომ იღვიძებს ხშირად და ტირის, აუცილებლად მიმართეთ პედიატრს
❣️ მიუხედავად იმისა, რომ ძილის რეგრესია დიდხანს არ გრძელდება, ეს რთულია როგორც ბავშვის ასე მშობლისთვის, ამიტომაც შემდეგ პოსტში ამასთან გამკლავების და გაიოლების მეთოდებს აუცილებლად შემოგთავაზებთ