ოჯახის ზღვისპირა დღეები
შეიძლება ზაფხული სრულდება, მაგრამ მცხუნვარე მზე და ზღვის სეზონი არსად მიდის. თუ მალე ოჯახთან ერთად მიდიხართ ზღვაზე, ჩვენი მეგზური ბლოგი დაგეხმარებათ, უდარდელი და მხიარული დღეების შექმნაში.
სანამ რჩევებზე გადავალთ, სიას შემოგთავაზებთ, იმ აუცილებელი ნივთებისა, რომლებიც დაგჭირდებათ. მზისგან დამცავი საშუალებები, ქუდები, გემრიელი სასუსნავები და პლაჟის სათამაშოები – ზღვის ჩვეულ დღეებს უფრო უსაფრთხოს და ფერადს გახდის.
ბავშვებს მხოლოდ წყალი და ცურვა არ ახალისებთ, ამიტომ, მათთვის სათამაშოების თან ქონა იდეალური იქნება. ფრისბი, ქვიშის ციხესიმაგრე და პლაჟის ფრენბურთი – თამაშებია, რომლებიც გულგრილს არავის ტოვებს, არც პატარებს და არც – მშობლებს.
იმისათვის, რომ ოჯახის ყველა წევრი კომფორტულად იყოს, თან იქონიეთ პირსახოცები და პლაჟის ქოლგა, რომელიც მთელ ოჯახს დაიცავს მზის მოღიტინე სხივებისგან. ქოლგის ქვეშ კი არც ზღაპრების მოყოლაა ურიგო – ზღვის გმირებზე, ქალთევზებსა და მამაც დელფინებზე.
სანაპიროზე ყოფნისას არც ეკოლოგია უნდა დავივიწყოთ – იქონიეთ მრავალჯერადი გამოყენების წყლის ბოთლები და ნაგვის ტომრები, ხოლო სასუსნავებისთვის და გრილი საჭმლისთვის კონტეინერის წაღება ყველას გაუმარტივებს საქმეს.
ზღვის სეზონი სულ რაღაც 3 თვე გრძელდება და ყველანი გაფაციცებით ველოდებით ხოლმე, როდის წავალთ და ვიჭყუმპალავებთ. ამ დასვენების დღეების აღბეჭდვა კი მთელი წლისთვის შეგვიქმნის გამოსაზოგ მოგონებებსა და ემოციებს. წყალქვეშ ან მის ზევით, სანაპიროზე ან ქვიშაში ჩაფლული ბავშვების მოცინარი სახეების დაჭერა მხოლოდ ხალისის მომტანია.
ამ რჩევებით მთელ ოჯახს შეეძლება დატკბეს ყოველი წამით სანაპიროზე. უსაფრთხოება, კომფორტი და გარემო – მთავარი პრიორიტეტებია.
