Категории блога
როგორ დავიცვათ ბავშვები ზაფხულში?
ზაფხულობით ყველაფერი იცვლება და თავგადასავლების დრო დგება – ყველა ასაკის ადამიანი პოულობს თავშესაქცევ აქტივობას, რომელიც სიამოვნებას ანიჭებს. ბავშვებისთვის ეს სეზონი დაუღალავ თამაშთან, გართობასა და ჟრიამულთან ასოცირდება, რაზეც ყველანი ვთანხმდებით, რადგან ბაღები და სკოლები დაკეტილია.
რადგან ზაფხულზე ვსაუბრობთ, მზეც და მასთან დაკავშირებული პრობლემებიც უნდა ვახსენოთ. შეიძლება მცხუნვარე მზე გვახალისებს, მაგრამ აუცილებელია, რომ ბავშვების სათუთი კანი მისი მავნე სხივებისგან დავიცვათ. ამ ბლოგში სწორედ იმ რჩევებს აღმოაჩენთ, რომლებიც დაგეხმარებათ, რომ ბავშვს შეუქმნათ სასიამოვნო არდადეგები.
- აუცილებელია, რომ პატარები მსუბუქად ჩაცმულნი იყვნენ. ამისათვის კარგი იქნება, თუ შეარჩევთ ისეთ ტანსაცმელს, რომელიც ჰაერგამტარია. ასეთი, მაგალითად, ბამბაა, რომელშიც ბავშვის კანი არ ხურდება;
- მსუბუქ ტანსაცმელთან ერთად არ უნდა დაგვავიწყდეს, რომ ბავშვის ორგანიზმსაც სჭირდება ჰიდრატაცია. თუკი ბავშვი უკვე მყარ კვებაზეა, ხშირად შესთავაზეთ მას წყალი, ხილი და ბოსტნეული;
- რაკიღა ბავშვებს ძალიან უყვართ გარეთ თამაში და ამ სეზონზეც კი თავის შეკავება რთულია ამისგან, გამოსავალი ჩრდილში ყოფნასა და დროის განაწილებაშია. ამით პატარას აარიდებთ მზის პირდაპირი სხივებისგან. სეირნობისთვის უმჯობესი დრო ან დილაა, ან საღამო, როცა მზე არც ისე აქტიურია;
- ნელთბილი აბაზანები და ჭყუმპალაობა ბავშვებს ართობს და მეტ ენერგიას მატებს. ამიტომაც შეგიძლიათ კვირაში რამდენიმე დღე აბაზანებს დაუთმოთ, თუმცა არ დაგავიწყდეთ, რომ ბოლომდე ცივი წყალი არ არის რეკომენდებული;
- ქუდი, მზის სათვალე და დამცავი კრემი ზაფხულის განუყრელი მეგობრები არიან და მათ გარეშე ყოფნა წარმოუდგენელია. ფართოფარფლებიანი ან პანამა ქუდი უფრო კომფორტულია, ვიდრე ჩვეულებრივი კეპი.
0 მოსწონს
