მშობლისა და შვილის ურთიერთობა
შვილის აღზრდა ყველაზე საპასუხისმგებლო საქმეა, რომელიც მშობელს შეიძლება ჰქონდეს. მასთან დაკავშირებით არაერთი დეტალი არსებობს, რომელთა გათვალისწინება მნიშვნელოვანი და აუცილებელია. ბავშვი იზრდება და მშობელიც ვითარდება. ის ურთიერთობა, რომელიც მშობელსა და შვილს შორის ყალიბდება, უნიკალური და შეუფასებელია.
მშობლისა და ბავშვის ურთიერთობა არის ის, რაც პატარას ხელს უწყობს, რომ განვითარდეს ფიზიკურად, გონებრივად და, რაც მთავარია, ჯანსაღ გარემოში. ურთიერთობა, რომელიც სავსეა ენერგიით, სიყვარულითა და გაგებით, ბავშვზე ყოველთვის დადებითად აისახება.
ბავშვსა და მის მშობლებს შორის არსებული მყარი კავშირი არა მხოლოდ აწმყოს ნაწილია, არამედ მომავალზეც აქვს გავლენა. ჯანსაღ ღირებულებებზე დამყარებული ურთიერთობა საფუძველს უყრის ბავშვის მომავალ ცხოვრებას, გარკვეულ ჩვევებსა და შეხედულებებს.
როცა ბავშვი ბედნიერია დედ-მამასთან, სიამოვნებს მათთან გატარებული ყოველი წუთი, ეს იმის მაჩვენებელიც შეიძლება იყოს, რომ მომავალში პატარა შეძლებს, დამოუკიდებლად შექმნას პირადი ურთიერთობები, რომლებიც იქნება დაბალანსებული.
თუ მცირეწლოვანი შვილი გყავთ, გამოხატეთ როგორც მის მიმართ, ასევე – სხვების, ემოციები, რათა აჩვენოთ და მაგალითი მისცეთ, თუ როგორ შეიძლება კომუნიკაციის და კავშირის წარმართვა სწორი გზით. ბავშვი, რომელსაც მშობელთან აქვს უსაფრთხო, დაცული ურთიერთობა, უკეთესად სწავლობს ემოციების მართვას და მათ გამოხატვას.
ასე რომ, შვილთან დროის გატარებას არ აქვს დაწესებული ლიმიტი და სპეციალური დრო – ყოველ ჯერზე, როცა ამის საშუალება გექნებათ, პატარასთან ერთად გაატარეთ დღეები, რომლებიც სავსე იქნება ახალი შეგრძნებებითა და გამოცდილებით.
