რას მოიცავს მონტესორის სწავლების მეთოდი?
ბავშვის აღზრდა რთული და ხანგრძლივი პროცესია, ხოლო მშობლობა სავსეა გადაწყვეტილებებით და თითოეული მათგანი ბავშვის სამყაროს აყალიბებს. მრავალი მიდგომიდან მონტესორის მეთოდმა დიდი მოწონება დაიმსახურა მშობლებისგან, აღმზრდელებისა და სამეცნიერო წრეებისგან. მარია მონტესორიმ გასულ საუკუნეში შეიმუშავა მონტესორის სწავლების სისტემა, რომელიც სრულად კონცენტრირებულია ბავშვის განვითარებაზე.
მიუხედავად იმისა, რომ ეპოქა, დრო და შეხედულებები შეიცვალა, აღნიშნული მეთოდი დღესაც ეხმარება მშობლებს, რომ უკეთ გაუგონ პატარებს, შეუქმნან ჯანსაღი გარემო და ხელი შეუწყონ მათი დამოუკიდებლობის, ცნობისმოყვარეობისა და სხვა უნარების განვითარებას.
რას გულისხმობს მონტესორის უნიკალური მეთოდი?
მონტესორის მეთოდი შემუშავებულია იტალიელი ექიმისა და პედაგოგის, მარია მონტესორის პრინციპებით. მისი მთავარი იდეაა ბავშვების მხარდაჭერა ისე, რომ მათ შეძლონ გახდნენ დამოუკიდებელნი, თავდაჯერებულნი და შრომისუნარიანი ადამიანები, ბავშვის ბუნებრივი განვითარების გათვალისწინებითა და ისეთი გარემოს შექმნით, რომელიც ხელს უწყობს კვლევასა და სწავლებას.
მრავალფეროვანი მიდგომებიდან მონტესორის მეთოდი გამოირჩევა თავისი უნიკალური, ბავშვზე ორიენტირებული სწავლის მიდგომით. ეს მიდგომა ეფუძნება რწმენას, რომ ბავშვები საუკეთესოდ სწავლობენ, როდესაც აქვთ თავისუფლება, გამოიკვლიონ თავიანთი ინტერესები სათანადოდ მომზადებულ გარემოში. მონტესორის მეთოდი ხაზს უსვამს პრაქტიკულ სწავლებას, თვითმართვად აქტივობებსა და გუნდურ თამაშს, რაც ხელს უწყობს დამოუკიდებლობის, კრეატიულობისა და სწავლისადმი სიყვარულის განვითარებას.
მონტესორის სწავლების მეთოდი მოიცავს რამდენიმე ძირითად პრინციპს: სპეციალურად ბავშვისთვის შექმნილ ატმოსფეროს, სწორად შერჩეულ სასწავლო რესურსებს, პრაქტიკულ სწავლებას. თითოეული მათგანის აქტიურად გამოყენება ქმნის ერთიან სისტემას, სადაც ბავშვებს ბუნებრივად იწყებენ ცოდნის ძიებასა და ახალი უნარების ათვისებას.
მონტესორის განათლება აძლევს ბავშვს შესაძლებლობას, თავად მართოს თავისი სწავლების პროცესი და ყოველდღიური აქტივობები, რაც ხელისშემწყობი ფაქტორია დამოუკიდებლობისა და თავდაჯერებულობის განვითარებისთვის. სხვადასხვა საგანმანათლებლო აქტივობის არჩევა ბავშვში აღძრავს მეტ ინტერესს, რომ აღმოაჩინოს ახალი რამ, დანერგოს ის თავის რუტინაში და სხვასაც გაუზიაროს.
მარია მონტესორის მიერ ჩამოყალიბებული სწავლების კონცეფცია გუნდურ თამაშებსაც მოიცავს, რითაც პატარები სწავლობენ კომუნიკაციას თანატოლებთან და ოჯახთან, ერთობლივად მუშაობას, დახმარებასა და თანაგრძნობას. მონტესორის სხვადასხვა რესურსი და აქტივობა შექმნილია ისე, რომ ბავშვის ყურადღება მიიპყროს და შეინარჩუნოს, რაც მნიშვნელოვანი ასპექტია კონცენტრაციისა და შრომისმოყვარეობის განვითარებისთვის.
გარდა თეორიული მიდგომებისა, მარიამ სპეციალურად შექმნილი საბავშვო ავეჯიც შეიმუშავა, რომელიც მთლიანად ორიენტირებულია პატარების ასაკზე, საჭიროებებზე და ინტერესებზე. მონტესორის ავეჯი გათვლილია იმისთვის, რომ ბავშვში გამოიწვიოს ცნობისმოყვარეობა და უბიძგოს დამოუკიდებლობისკენ, რასაც შემდგომში მოჰყვება პრობლემების გადაჭრის უნარის დახვეწაც.
Labebe Boutique-ის ვებგვერდზე შეგიძლიათ აღმოაჩინოთ როგორც ამერიკული ბრენდის ავეჯი, ისე – ადგილობრივი წარმოებისაც. გოგორა ქართული კომპანიაა, რომელიც აწარმოებს ხის განმავითარებელ სათამაშოებსა და მონტესორის ავეჯს სხვადასხვა ასაკობრივი ჯგუფისთვის.
