ზამთარიც მოგვიახლოვდა
✔ ზამთარი თითქმის უკვე ჩვენთანაა, გარეთ აცივდა და საშემოდგომო გასართობების დროც დადგა
✔ სინამდვილეში სიცივეშიც ისევე შეიძლება გუბეებში ხტომა, როგორც ზაფხულში, უბრალოდ ამისთვის რეზინის წყალგაუმტარი, მაღალყელიანი ფეხსაცმელი და შესაბამისი შარვალია საჭირო
✔ შემოდგომის ფერად-ფერადი ფოთლების შეგროვების დროცაა, რომლისგანაც პატარას შეუძლია თაიგული გააკეთოს და ვინმეს აჩუქოს ან უბრალოდ ლარნაკში ჩადოთ, ან შეგროვებული, ჯერ კიდევ ცოცხალი ფოთლებისგან სახლში ლამაზ-ლამაზი ორნამენტები გამოჭრათ
✔ ფოთლებისგან "უზარმაზარი" გორაკის გაკეთება და შიგ ჩახტომა თუ გიცდიათ? ძალიან სახალისო უნდა იყოს
✔ უამრავი გირჩიც ცვივა ძირს. საახალწლო ნაძვის ხეს პატარას მიერ მოგროვებული გირჩები ძალიან დაამშვენებს
✔ არაფერი ებრძვის სიცივეს ისე კარგად, როგორც დაჭერობანა, განსაკუთრებით მაშინ თუ სათამაშო მოედნის გარშემო სირბილში უფროსებიც შემოგიერთდებიან
✔ ქალაქგარეთ თუ გახვალთ, ასკილის წითლად მოელვარე ნაყოფის ძებნა და შეგროვებაც შესანიშნავი გასართობი იქნება
