როგორ გავატაროთ ზაფხული ბავშვებთან ერთად?
არდადეგების დაწყებიდან არც ისე დიდი დროა გასული, მაგრამ უკვე ზაფხულის მეორე თვეც წამოგვეწია – ივლისის ცხელი დღეების ათვლა დაიწყო. სკოლა-ბაღების დასრულებისთანავე მშობლები ზაფხულისთვის ჩვეულ ფიქრთა კროიანტელში ვეხვევით – როგორ გავატაროთ დრო შვილებთან ერთად მხიარულად და ნაყოფიერად?
ზაფხულის პერიოდი მშობლებისთვის გამოწვევაა – მოსაფიქრებელია ათასგვარი თამაში და დღის გეგმა, თუ როგორ გავართოთ პატარები, ისე, რომ მალევე არ დაიღალონ და არსებული ცოდნაც გაიღრმავონ და განამტკიცონ. ამიტომ ყოველი აქტივობა კარგად დაგეგმილი და ბავშვის საჭიროებებზე ინდივიდუალურად მორგებული უნდა იყოს.
დღისით, სანამ მცხუნვარე მზე სასეირნო ბილიკებს და პარკებს ეპატრონება, თავის შექცევა საბავშვო წიგნებით შეიძლება. შვილთან ერთად ზღაპრული პერსონაჟების თავგადასავლების კითხვას უამრავი რამ შეუძლია – გამოგზაუროთ ისეთ სამყაროში, რომელზეც მანამდე არასდროს გეფიქრათ, წაახალისოს ბავშვის ფანტაზია და, რაც მთავარია, შეგაძენინოთ ახალი ემოციები.
ბუნებრივია, თუ მთელი ზაფხულით ვერ გავდივართ ქალაქიდან ჩვენს საყვარელ ადგილებში – ზღვაზე, მთასა თუ სოფელში. პატარებმა რომ არ მოიწყინონ და ეკრანებთან დიდი დრო არ გაატარონ, მათთვის სენსორული ტიპის თამაშის შეთავაზება შეგვიძლია. ORTOTO – ის ბრენდია, რომელიც უნიკალურ პროდუქტს და მისი საშუალებით სახლიდან გაუსვლელად სეირნობას გთავაზობთ როგორც თქვენ, ისე – თქვენს შვილს.
ციფრულ ეპოქაში უფრო მეტი ყურადღება ეთმობა სენსორულ სტიმულაციას და ტაქტილურ შეგრძნებებს, რასაც ხალიჩა-ფაზლისგან მიიღებთ. განსხვავებული ზედაპირების მქონე ხალიჩა აუმჯობესებს ბალანსის და კოორდინაციის უნარს და ავითარებს წარმოსახვას. წარმოიდგინეთ, რომ სახლში გაქვთ საკუთარი მზე და დილის ნამიანი ბალახი, ქვიშიანი სანაპირო და უღრანი ტყე – სწორედ ასეთ შეგრძნებებს აღმოაჩენთ, როცა ხალიჩაზე ფეხს შემოადგამთ.
არდადეგები ყიჟინით სავსე პერიოდია, როცა ბავშვებს მეტი თავისუფლება აქვთ, გაერთონ და დროზე საერთოდ არ ინერვიულონ. გარეთ ყოფნა კი ზაფხულის დღეების რუტინული ნაწილი ხდება – მზის ამოსვლის თუ ჩასვლის ყურება უფრო სასიამოვნოა. სკვერებსა და პარკებში ველოსიპედით ნავარდობას აარფერი სჯობს, როცა ნაზი სიო თმას გიწეწავს და მთელი არსებით გრძნობ, რომ ზაფხული შენი საყვარელი სეზონია.
