ოჯახური თავგადასავლები
თუ ხშირად გიფიქრიათ, რომ ყოველდღიური საქმეებისგან განტვირთვა გჭირდებათ მთელ ოჯახს, მაშინ, ახლა სწორედ ის დროა, რომ გაექცეთ ციფრულ სამყაროს და ბუნების საოცრებაში ჩაიძიროთ! ბავშვებთან ერთად ბუნებაში გასვლა არა მხოლოდ გართობაა, როგორც ერთი შეხედვით ჩანს, არამედ სწავლისა და დაუვიწყარი მოგონებების შექმნის შესაძლებლობაცაა.
ბუნება ჯადოსნური სათამაშო მოედანია პატარების გონებისთვის. ტყეებში სეირნობა, ბილიკებზე სირბილი, მცირე ზომის ცხოველების აღმოჩენა და სხვ. მათში ცნობისმოყვარეობას და გამძაფრებულ ინტერესს იწვევს. ციყვებისა თუ ჭიკჭიკა ჩიტების ნახვით ბავშვები ეცნობიან სამყაროს, რომელიც იმაზე ფართოა, ვიდრე ჯერ კიდევ ჰგონიათ.
ბუნებაში ყოფნა ერთგვარად ხდება სწავლების ატმოსფერო – ბავშვები ახლოდან შეისწავლიან ეკოსისტემებს, მცენარეებსა და ცხოველებს, რაც მათ უნერგავს გარემოსადმი პატივისცემას და პასუხისმგებლობის გრძნობას, რათა არ დააზიანონ და უფრო მეტად გაუფრთხილდნენ არემარეს, რომელშიც იზრდებიან და ვითარდებიან.
თავგადასავლების მოწყობა სახლის მიღმა, ახალ გარემოში ხელს უწყობს ფიზიკურ აქტივობას, ზრდის ენერგიის დონეს და ამცირებს სტრესს როგორც ბავშვებისთვის, ასევე – მშობლებისთვის. მწვანე სივრცეში ყოფნა კონცენტრაციას ზრდის, ხოლო შფოთვის ამცირებს.
როგორი იქნება ოჯახური თავგადასავალი, ყოველთვის ინდივიდუალურია და დამოკიდებულია გეგმაზეც. ჩვენ კი ვფიქრობთ, რომ ნებისმიერ შემთხვევაში მსგავსი გამოცდილება ყოველთვის დატვირთულია სიცილ-კისკისით, შთამაგონებელი იდეებითა და ისეთი მოგონებებით, რომლებიც აუცილებლად უნდა აღიბეჭდოს ფოტოებზე.
