რატომ არ არის რეკომენდებული მინის საწრუპები 3 წლამდე – პედიატრის რჩევები

ბავშვის ყოველდღიური ნივთების შერჩევისას მშობლები ხშირად დგებიან დილემის წინაშე: რა არის უსაფრთხო, რა – პრაქტიკული და რა – რეალურად მორგებული ბავშვის ასაკსა და განვითარებაზე. ეს კითხვა განსაკუთრებით აქტუალურია საწრუპების არჩევის დროს, რადგან ისინი უშუალო კონტაქტშია ბავშვის პირის ღრუსთან და ხშირად აქტიურ მოძრაობასთანაც.

ლაბებესთან ინტერვიუში პედიატრი ნანო შვანგირაძე საუბრობს იმ დეტალებზე, რომლებიც ბავშვების უსაფრთხოებისთვის განსაკუთრებულ მნიშვნელობას ატარებს და რომლებსაც დიდი ყურადღება უნდა მიაქციოთ.

რატომ არ არის რეკომენდებული მინის საწრუპები?

მინა, როგორც მასალა, ხშირად აღიქმება საუკეთესო არჩევანად და ჯანმრთელობისთვის უსაფრთხოდ და ეს მართლაც ასეა. თუმცა პრობლემა მასალის თვისებებში კი არა, მისი გამოყენების პრაქტიკაშია.

პედიატრის განმარტებით, სამ წლამდე ასაკის ბავშვებისთვის მინის საწრუპების გამოყენება რეკომენდებული არ არის. მიზეზი მარტივია, მაგრამ სერიოზული – მინის საწრუპებით უკვე არაერთი ბავშვი დაზიანებულა. ამ ასაკში ბავშვებს ჯერ არ აქვთ საკმარისი კოორდინაცია, რეფლექსების კონტროლი და საფრთხის აღქმის უნარი, რაც ზრდის ტრავმის მიღების რისკს.

რაც შეეხება 3 წლის შემდეგ პერიოდს – თეორიულად, თუ ბავშვს ესმის მინის მტვრევადობის საკითხი და შესაძლო საფრთხე, მისი გამოყენება შეიძლება., მაგრამ სპეციალისტი ხაზგასმით აღნიშნავს, რომ მინის საწრუპის გამოყენება საფრთხის გამო მაინც არ არის მიზანშეწონილი, განსაკუთრებით ყოველდღიურ რეჟიმში.

პლასტმასა ბავშვთა ჭურჭელში

ხშირად გვესმის ზოგადი რეკომენდაცია, რომ პლასტმასა ბავშვისთვის არასასურველია. ეს შეფასება ნაწილობრივ სწორია, თუმცა მნიშვნელოვანია დეტალების ცოდნა მანამ, სანამ კატეგორიულად გამოვრიცხავთ მის გამოყენებას.

ნანო შვანგირაძე განმარტავს, რომ პლასტმასა სხვადასხვა ტიპისაა. ბაზარზე არსებობს ისეთი საბავშვო ჭურჭელი და საკვები აქსესუარები, რომლებიც ვიზუალურად პლასტმასას ჰგავს, მაგრამ რეალურად დამზადებულია უსაფრთხო ნაერთებისგან, მაგალითად, სილიკონისა ან სპეციალური, BPA-free მასალებისგან.

ასეთი პროდუქცია:

• არ შეიცავს მავნე ქიმიურ კომპონენტებს;
• არ რეაგირებს სითხის ტემპერატურაზე;
• არ იშლება და არ წარმოქმნის ტრავმის რისკს.

შესაბამისად, პლასტმასას მსგავსი პროდუქტი ავტომატურად საშიში არ არის. გადამწყვეტ ფაქტორს წარმოადგენს მისი შემადგენლობა და სერტიფიკაცია.

სერტიფიცირება – მთავარი კრიტერიუმი არჩევისას

პედიატრი გვირჩევს, რომ ბავშვისთვის განკუთვნილი ნებისმიერი ჭურჭელი უნდა იყოს უსაფრთხო და სერტიფიცირებული. ეს ნიშნავს, რომ პროდუქტი უნდა აკმაყოფილებდეს საერთაშორისო სტანდარტებს, ჰქონდეს მინიჭებული  შესაბამისი ნიშნები და წარმოებული იყოს სანდო ბრენდის მიერ.

სერტიფიცირებული პროდუქტი:

• გადის ლაბორატორიულ შემოწმებებს;
• არ შეიცავს ტოქსიკურ ნივთიერებებს;
• გათვლილია ბავშვის ასაკობრივ საჭიროებებზე.

რას უნდა მიაქციოთ ყურადღება?

საწრუპის ან სასმელი ჭურჭლის არჩევისას, გაითვალისწინეთ შემდეგი ფაქტორები:

• ბავშვის ასაკი და მოტორული განვითარება;
• მასალის სიმტკიცე;
• ტრავმის პოტენციური რისკი;
• სერტიფიკატები და მწარმოებლის სანდოობა.

ბავშვის ჭურჭლის არჩევისას გადნამწყვეტი ნიუანსებია ასაკი, მასალა და სპეციალისტების რეკომენდაციები. ნანო შვანგირაძე აღნიშნავს, რომ უსაფრთხოება ყოველთვის უნდა იყოს მთავარი კრიტერიუმი, მიუხედავად პროდუქტის, ერთი შეხედვით, ჯანსაღი იმიჯისა.

ლაბებეში სწორედ ამ პრინციპით ვარჩევთ პრემიუმ ხარისხის პროდუქციას, რათა მშობლებმა არჩევანი გააკეთონ მშვიდად, ზედმეტი ეჭვებისა და კომპრომისების გარეშე.