6 რჩევა, როგორ შექმნათ გარემო ბავშვის უსაფრთხო ძილისთვის
უსაფრთხო ძილისა და გარემოს შექმნა თქვენი შვილის კეთილდღეობისა და განვითარების აუცილებელი პირობაა, რადგანაც ძილი ბავშვის განვითარების საკვანძო ელემენტია და მნიშვნელოვანია, დარწმუნებული იყოთ, რაოდენ უსაფრთხო და კომფორტულ გარემოში იძინებს. ჩვენს ბლოგში გთავაზობთ რამდენიმე რჩევას, თუ როგორ შექმნათ გარემო თქვენი პატარას უსაფრთხო ძილისთვის.
აირჩიეთ უსაფრთხო ზედაპირი: ძილისთვის სწორი ზედაპირის არჩევა მნიშვნელოვანია თქვენი ბავშვის უსაფრთხოების უზრუნველსაყოფად. ბავშვისთვის განკუთვნილი საწოლი, რომელსაც აქვს მყარი და ბრტყელი ზედაპირი, საუკეთესო ვარიანტია. მოერიდეთ ზრდასრულთა საწოლების ან/და დივნების გამოყენებას, რადგან მათ შეიძლება წარმოქმნას გაგუდვის საშიშროება.
გაათავისუფლეთ ბავშვის საწოლი არასაჭირო, რბილი ნივთებისგან: მოერიდეთ ისეთ რბილ საგნებს, როგორებიცაა ბალიშები, სათამაშოები და გადასაფარებლები. ამ ნივთებმა შეიძლება გაზარდოს სასუნთქი გზების დახურვის საშიშროება.
შეინარჩუნეთ ოთახის სწორი ტემპერატურა: შეინარჩუნეთ კომფორტული და უსაფრთხო ტემპერატურა თქვენი ბავშვის საძინებელში. ყველაზე ოპტიმალური ტემპერატურა მერყეობს 20-იდან 22 ცელსიუს გრადუსამდე. ეს დაგეხმარებათ თავიდან აიცილოთ სხეულის გადახურება ან ჰიპოთერმია.
მოათავსეთ ბავშვის საწოლი სწორ ადგილას: საწოლი უნდა იდგეს ფანჯრისგან და ფარდებისგან მოშორებით, რადგან პატარა არ აიხლართოს და არ გადაძვრეს.
ჩააცვით ბავშვს სათანადოდ: ოთახის ტემპერატურის შესაბამისად შეურჩიეთ მსუბუქი ტანისამოსი, რომელიც მას არ შეუქმნის დისკომფორტს, რადგან ზედმეტი გადაფუთვა საზიანოა ბავშვის ზოგად მდგომარეობაზე.
შექმენით რუტინა ძილის წინ: ძილის წინ თანმიმდევრული რუტინის ჩამოყალიბება დაგეხმარებათ ბავშვს მიანიშნოთ, რომ ძილის დროა. ეს შეიძლება მოიცავდეს თბილ აბაზანას, წიგნის კითხვას და ყველაზე მნიშვნელოვანს – ჩახუტებას.
ამ ნაბიჯების დაცვით, შეგიძლიათ თქვენი პატარას ძილი უზრუნველყოთ უსაფრთხო და კომფორტული გარემოთი. არ დაგავიწყდეთ, რომ უსაფრთხო ძილის წესები უნდა დაიცვათ ყოველ ჯერზე, როცა ბავშვი იძინებს, იქნება ეს დღისით თუ ღამით.
