UPPAbaby Vista V3 – პრემიუმ კლასის საბავშვო ეტლი, რომელიც სტანდარტებს ცვლის

არსებობს ეტლები, რომლებიც უბრალოდ გადაადგილების საშუალებაა და არსებობს ეტლები, რომლებიც ცხოვრების სტილს გამოხატავს. UPPAbaby Vista V3 სწორედ მეორე კატეგორიას მიეკუთვნება. ეს არის ეტლი იმ მშობლებისთვის, ვისთვისაც უსაფრთხოება, კომფორტი, ფუნქციურობა და დიზაინი არჩევანის პროცესში ერთნაირად მნიშვნელოვანია. Vista V3-ის შეძენით თქვენ ხდებით UPPAbaby-ს დიდი ოჯახის ნაწილი – ამერიკული ბრენდის, რომელმაც ეტლის კონცეფცია ლუქს კლასის ახალ დონეზე აიყვანა.

Vista V3 საბავშვო ეტლი ხშირად მოიხსენიება, როგორც ეტლების როლს-როისი და ეს განსაზღვრება მხოლოდ ემოციურ შთაბეჭდილებას არ ეფუძნება; მისი ტექნიკური მახასიათებლები, კონსტრუქცია და დეტალებზე ორიენტირებული დიზაინი ნათლად აჩვენებს, რატომ ინარჩუნებს ეს ეტლი თავის ღირებულებას წლების განმავლობაში და რატომ რჩება მშობლების ერთ-ერთ ყველაზე სანდო არჩევანად.

UPPAbaby Vista V3 განკუთვნილია მშობლებისთვის, რომლებიც ეტლის არჩევისას აფასებენ ექსპლუატაციის ხანგრძლივობასა და პრაქტიკულობას. მისი კონსტრუქცია და ფუნქციები გათვლილია ყოველდღიურ მოძრაობაზე, ცვლილებებზე, რომლებიც თან ახლავს ბავშვის ზრდას. სწორედ ეს აყენებს Vista V3-ის იმ კატეგორიაში, სადაც ბავშვის ეტლი განიხილება, როგორც სტაბილური ინვესტიცია და არა – დროებითი საჭიროება, რაც განსაკუთრებით მნიშვნელოვანია პრემიუმ კლასის ეტლების სეგმენტში.

რატომ არის UPPAbaby Vista V3 ლუქს კლასის ეტლი?

Vista V3 წარმოადგენს საბავშვო მულტიფუნქციურ ეტლს, რომლის კონსტრუქცია და ტექნიკური მახასიათებლები მიმართულია ყოველდღიური გადაადგილების მაქსიმალური კომფორტისკენ. ალუმინისა და მაგნიუმის კომბინირებული ჩარჩო უზრუნველყოფს სტაბილურობასა და გამძლეობას, ხოლო გამოყენებული პრემიუმ მასალები ხელს უწყობს ეტლის საიმედოობას სხვადასხვა ტიპის გზის საფარზე – ქალაქის ასფალტიდან არათანაბარ ზედაპირამდე.

ყველა ბორბალზე ინტეგრირებული FlexRide ამორტიზაციის სისტემა ამცირებს ვიბრაციას და უზრუნველყოფს რბილ სვლას მოძრაობის დროს. ქაფით შევსებული საბურავები ზრდის უსაფრთხოებას და ინარჩუნებს კომფორტს ხანგრძლივი სეირნობისას, რაც Vista V3-ის ფუნქციურად გამართულ და ტექნიკურად დაბალანსებულ საბავშვო ეტლად აქცევს.

საბავშვო ეტლი 3x1 UPPAbaby Vista V3 სრულად ადაპტირებულია წლის ნებისმიერი სეზონისთვის:

• მზიან დღეებში – ფართო, რეგულირებადი კაპიუშონი SPF 50+ დაცვით უზრუნველყოფს ბავშვის დაცვას ულტრაიისფერი სხივებისგან;
• ცივ ამინდში – თბილი ჩასაფენი და კონსტრუქციული დაცვა ქმნის კომფორტულ გარემოს სეირნობისას;
• 3D ბადისებრი მატრასი და ვენტილაცია ზედა, ქვედა და გვერდითა ნაწილებში უზრუნველყოფს იდეალურ ჰაერგამტარობას და გამორიცხავს გადახურებასა და გაოფლიანებას.

ეს დეტალები განსაკუთრებით მნიშვნელოვანია ახალშობილებისთვის, რომელთაც ტემპერატურის რეგულაცია ჯერ სრულად განვითარებული არ აქვთ.

აკვანი, რომელიც საწოლიც არის

ეტლის ერთ-ერთი გამორჩეული უპირატესობა ყველა სეზონისთვის განკუთვნილი ახალშობილის აკვანია, რომელიც სერტიფიცირებულია. ეს ნიშნავს, რომ აკვანი შეიძლება გამოიყენოთ როგორც სრულფასოვანი საბავშვო საწოლი – მოგზაურობისას, სასტუმროსა ან ქალაქგარეთ ყოფნის დროს.

აკვანი აღჭურვილია:

• ჰაერგამტარი 3D ბადისებრი მატრასით;
• ბადისებრი სავენტილაციო ფანჯრებით გვერდებსა და ზედა ნაწილში
• ინტეგრირებული SPF 50+ მზის კაპიუშონით.

ჩაძინებული ბავშვის აკვანში დატოვების შესაძლებლობა მისი გაღვიძების გარეშე მნიშვნელოვნად ამარტივებს მშობლის ყოველდღიურ რეჟიმს და რეალურ კომფორტს ქმნის ყოველდღიურ სიტუაციებში.

სასეირნო სავარძელი, რომელიც ადაპტირდება ზრდასთან ერთად

საბავშვო სამეული ეტლის სასეირნო სავარძელი განკუთვნილია 6 თვიდან 22 კგ-ამდე და სრულად პასუხობს ბავშვის განვითარების სხვადასხვა ეტაპს.

მისი ძირითადი მახასიათებლებია:

• 180°-ამდე რეგულირებადი საზურგე;
• 6 პოზიცია;
• რეგულირებადი ფეხსადები;
• უსაფრთხოების 5-წერტილოვანი ღვედები მაგნიტური ჩამკეტით;
• რევერსული სავარძლის მონტაჟის შესაძლებლობა როგორც მშობლისკენ, ისე მოძრაობის მიმართულებით.

გარდა ამისა, სავარძლის ქსოვილი მარტივად იხსნება და ირეცხება, რაც ყოველდღიურ მოვლას საგრძნობლად ამარტივებს.

30-ზე მეტი კონფიგურაცია ერთ ეტლში

ეტლი UPPAbaby Vista V3 უნიკალურია თავისი მოდულური სისტემით. დამატებითი აქსესუარების გამოყენებით შესაძლებელია:

• ორი აკვნის განთავსება;
• ორი სასეირნო სავარძლის კომბინაცია;
• ავტოსავარძლების ინტეგრაცია;
• მესამე ბავშვისთვის PiggyBack პლატფორმის დამატება.

ეტლი თავსებადია UPPAbaby MESA ქარსითთან დამატებითი ადაპტერების გარეშე, რაც ქალაქში გადაადგილებას კიდევ უფრო მოქნილს ხდის.

დიდი კალათა ყოველდღიური კომფორტისთვის

მოთხოვნადი საბავშვო ეტლის ქვედა კალათა ერთ-ერთი ყველაზე ტევადია თავის კლასში. 13.6 კგ-ამდე ტვირთამწეობით იგი იდეალურია:

• ბავშვის საჭირო ნივთების შესანახად;
• საყიდლებისთვის;
• მოგზაურობისას დამატებითი ჩანთების გადასატანად.

კალათა ადვილად ხელმისაწვდომია და გამძლე კონსტრუქცია ყოველდღიურ დატვირთვას უპრობლემოდ უძლებს.

უსაფრთხოება, რომელიც დეტალებში იკითხება

UppaBaby Vista V3-ის გააჩნია GREENGUARD GOLD სერტიფიკატი, რაც ადასტურებს უსაფრთხო და ეკოლოგიურად პასუხისმგებელ წარმოებას და უზრუნველყოფს ბავშვისთვის ჯანმრთელ და მშვიდ გარემოს.

საბავშვო ეტლი აღჭურვილია:

• ამრეკლავი ელემენტები ბორბლებსა და კალათაზე ზრდის ეტლის ხილვადობას დაბალი განათების პირობებში და ღამის სეირნობას უფრო უსაფრთხოს ხდის;
• წინა ბორბლების ბლოკირების ფუნქცია ვიზუალური ინდიკატორებით უზრუნველყოფს უკეთეს კონტროლს სხვადასხვა ტიპის გზის საფარზე;
• ტელესკოპური, რეგულირებადი სახელური მარტივად ერგება მშობლის სიმაღლეს და ამცირებს დატვირთვას მოძრაობის დროს;
• სახელური და უსაფრთხოების ბამპერი დაფარულია ნატურალური ტყავით, რომელიც REACH სერტიფიკატით არის დამტკიცებული და უსაფრთხოა ყოველდღიური გამოყენებისთვის.

UPPAbaby Vista V3 გათვლილია ოჯახებისთვის, რომლებიც ეტლს ყოველდღიური გამოყენების ინსტრუმენტად აღიქვამენ და მნიშვნელობას ანიჭებენ სტაბილურობას, კომფორტს და გრძელვადიან პრაქტიკულობას. მოდელი ინარჩუნებს ფუნქციურობასა და ვიზუალურ ხარისხს სხვადასხვა ეტაპზე და ადაპტირდება ოჯახის ცვალებად საჭიროებებთან.

მოდულური საბავშვო ეტლი UPPAbaby Vista V3-ის შეძენა შეგიძლიათ ექსკლუზიურად Labebe Boutique-ში როგორც ფიზიკურ სივრცეში, ასევე – ონლაინ პლატფორმის მეშვეობით, სახლიდან გაუსვლელად.