როგორ ავარჩიოთ საუკეთესო საბავშვო საწოლი ჩვენი შვილისთვის

ბავშვის საწოლის არჩევა ერთ-ერთი ყველაზე მნიშვნელოვანი გადაწყვეტილებაა, რომელიც საძინებლის მოწყობისას უნდა მიიღოთ. თანამედროვე საწოლი არ არის მხოლოდ ავეჯის ნაწილი – სწორად შერჩეული ნივთი უსაფრთხო ადგილია ჩვილის განვითარებისთვის, სადაც პატარა თავდაპირველად დროის უდიდეს ნაწილს ატარებს.

თანამედროვე ბავშვთა საწოლები აერთიანებს სტილს, პრაქტიკულობასა და უსაფრთხოებას, რაც ქმნის კომფორტულ და მშვიდ გარემოს პატარასთვის. ბაზარზე არსებული უამრავი ასორტიმენტის პირობებში აუცილებელია წინასწარ განსაზღვროთ, როგორი ტიპისა და მახასიათებლების საწოლს ეძებთ.

და მაინც, მნიშვნელობა არ აქვს, კლასიკურ საწოლს ეძებთ თუ ტრანსფორმერს, Labebe Boutique-ში პრემიუმ ხარისხის, მსოფლიო წამყვანი ბრენდების საწოლებს აღმოაჩენთ. ამ ბლოგში კი მათზე მოგიყვებით ყველაფერს, რაც არჩევანის გაკეთებას გაგიმარტივებთ.

საბავშვო საწოლის უსაფრთხოების სტანდარტები

მაქსიმალური დაცულობა ყველაზე მნიშვნელოვანი პრიორიტეტია ბავშვის საწოლის არჩევისას. თანამედროვე საწოლი უნდა აკმაყოფილებდეს უსაფრთხოების მკაცრ მოთხოვნებს, რათა თქვენი შვილი წლების განმავლობაში უსაფრთხოდ იყოს ძილის, დასვენებისა თუ თამაშის დროს.

საბავშვო საწოლის არჩევისას უნდა გაითვალისწინოთ:

• სერტიფიკაცია: საწოლები, რომლებიც სერტიფიცირებულია უმაღლესი ასოციაციების მიერ ან შეესაბამება ევროპულ სტანდარტებს ყოველთვის უკომპრომისო არჩევანია.
• ფირფიტებს შორის დაშორება: საწოლის ლამელები არ უნდა იყოს ერთმანეთისგან დაშორებული 6 სმ-ზე მეტად, რათა ბავშვმა ვერ მოახერხოს ხელის, ფეხისა ან თავის მოთავსება.
• მყარი კონსტრუქცია: გამძლე, სტაბილური მასალებით აწყობილი საბავშვო საწოლი ხანგრძლივი დროით გამოიყენება. გარდა ამისა, არ უნდა ჰქონდეს ბასრი კუთხეები, რათა თავიდან აირიდოთ შემთხვევითი დაზიანებები.
• სიმაღლე: მატრასის რეგულირებადი სიმაღლე მნიშვნელოვანი ელემენტია, რადგან ბავშვი იზრდება და საჭირო ხდება საწოლის ადაპტაციაც.
• არატოქსიკური მასალები: საბავშვო საწოლის გამოყენებულ მასალებში არ უნდა ერიოს ჯანმრთელობის სახიფათო ნივთიერებები. პრიორიტეტის მინიჭება უმჯობესია ისეთი მოდელებისთვის, რომლებიც დამზადებულია ხისგან და ეკოლოგიურად სუფთა ლაქ-საღებავებისგან.

საწოლის ზომა, ფორმა, დიზაინი და ღირებულება

შვილისთვის საწოლის არჩევისას მნიშვნელოვანია გაითვალისწინოთ მისი ზომა, ფორმა და დიზაინი, განსაკუთრებით მაშინ, თუ სახლში შეზღუდული სივრცე გაქვთ. ლაბებეში სხვადასხვა ტიპის საწოლებს აღმოაჩენთ: მრგვალს, ოვალურს, კლასიკურსა და ტრანსფორმერს, რომლებსაც განსხვავებული ზომები აქვს.

საუკეთესო არჩევანი იქნება გორგოლაჭებიანი საბავშვო საწოლი, რომლის გადაადგილება ყოველთვის გაგიმარტივდებათ. მსგავსი პორტატიული საწოლები მშობლებისთვის დამატებითი კომფორტია, ვინაიდან სიცოცხლის პირველ თვეებში პატარას განსაკუთრებული ყურადღება სჭირდება და ღამის განმავლობაში ხშირად იღვიძებს. ბავშვის საწოლი, რომელსაც გორგოლაჭები აქვს, თან აღჭურვილია ჩამკეტი მექანიზმით, რაც აორმაგებს უსაფრთხოებას.

მაგალითად, Erbesi Evolution-ის კოლექციის ჩვილი საწოლები დამზადებულია მყარი წიფლის ხისგან, და რომლის გადაკეთება შესაძლებელია პატარა ზომის აკვნად. შეესაბამება უსაფრთხოების ევროპულ სტანდარტს EN 716-1:2017 + AC:2019. დახვეწილი დიზაინის საწოლი აღჭურვილია 4 მბრუნავი გორგოლაჭით მუხრუჭებზე, ხოლო მატრასის ძირი რეგულირდება სიმაღლის 9 პოზიციაში. ამასთანავე, გააჩნია მოსახსნელი და სიმაღლეში რეგულირებადი გვერდითა მოაჯირი.

ლაბებე ბუტიკში ახალშობილის თანამედროვე აკვნები სხვადასხვა დიზაინშია ხელმისაწვდომი – თითოეული უნიკალური მახასიათებლებითაა, რომლებიც შეესაბამება თქვენი ცხოვრების სტილს, ესთეტიკურ პრეფერენციებსა და საბავშვო ოთახის ინტერიერს.

მრავალფეროვანი ასორტიმენტის წყალობით, დღეს ბევრად მარტივია სასურველი მოდელის პოვნა იმ საფასო კატეგორიაში, რომელიც თქვენს ბიუჯეტს შეესაბამება. ლაბებეს ვებგვერდზე ბავშვის საწოლის ფასები 295 ლარიდან იწყება და უპირატესობებით, ფუნქციებითა და მწარმოებელი კომპანიის მიხედვით განსხვავდება. 

თუ გადაწყვეტთ, რომ შეარჩიოთ საწოლი, რომელსაც რამდენიმე წელი აქტიურად გამოიყენებთ და ხშირ-ხშირად აღარ მოგიწევთ გამოცვლა, მაშინ, დროა, თვალი გადაავლოთ ლაბებეს კატალოგს.  აქ შეგიძლიათ აღმოაჩინოთ მრავალფეროვანი არჩევანი და შეიძინოთ საუკეთესო პროდუქტი თქვენი შვილის განვითარებისთვის.

ტექნოლოგიური საბავშვო საწოლი

ერთ-ერთი გამორჩეული ბრენდი, რომელსაც ჩვენთან შეხვდებით, Erbesi-ია. მისი სახელი იტალიური საბავშვო ავეჯის სამყაროს განუყოფელი ნაწილია თავისი ექსკლუზიური, ზღაპრული და უსაფრთხო საბავშვო პროდუქციით.ბრენდი მთლიანად ორიენტირებულია საბავშვო საძინებლების აღჭურვაზე და ამ მიმართულებით აწარმოებს საწოლებს, კარადებს, კომოდებსა და თეთრეულს.

Erbesi Moon Bianco Wifi საწოლებს შორის განსაკუთრებულ მოწონებას იმსახურებს მშობლების მხრიდან. კლასიკური სტილის, მართკუთხედი ფორმის საბავშვო საწოლი, მატრასის და გვერდითა მოაჯირის რეგულირებადი დონეების წყალობით გათვლილია 0 თვიდან 4-5 წლამდე პატარებისთვის. მის გადაადგილებას წამები სჭირდება და გორგოლაჭებიც საიმედოდ ფიქსირდება. საწოლის უჯრაც მოძრავია - ნებისმიერ მხარეს შეგიძლიათ მისი დამაგრება.

და ეს ყველაფერი არ არის – ამ კოლექციის საწოლს ჩაშენებული აქვს განათების სისტემა, რომელიც პულტით იმართება და სურვილისამებრ შეგიძლიათ ცვალოთ ფერები. როა ძილის დრო დადგება და ოთახში სინათლეს ჩააქრობთ, ახალშობილის ტექნოლოგიური საწოლი თავის თავზე აიღებს პატარას უშფოთველ სიზმრებს და საძინებელს საკმარისად ააკაშკაშებს, რომ ბავშვს სიბნელის არ შეეშინდეს.

Labebe Boutique-ის ვებგვერდზე საუკეთესო საბავშვო თანამედროვე საწოლის არჩევა სახლიდან გაუსვლელად რამდენიმე წუთში შეგიძლიათ. დეტალური აღწერები და პროდუქტის მახასიათებლები შოპინგის გამოცდილებას უფრო სასიამოვნოს გახდის. შეკვეთილ ნივთს კი 24 საათის განმავლობაში სასურველ მისამართზე საგულდაგულოდ შეფუთულს მიიღებთ.