რამდენ ხანს შეიძლება ბავშვის ავტოსავარძლის გამოყენება?
ბავშვის უსაფრთხოება გზაზე ყოველთვის პრიორიტეტია. მშობლები დიდ ყურადღებას აქცევენ, რომ მანქანის სავარძელი სწორად იყოს დაყენებული, შეესაბამებოდეს ბავშვის ასაკს, წონასა და სიმაღლეს, ჰქონდეს შესაბამისი სერტიფიკაცია. თუმცა ხშირად უყურადღებოდ რჩება ერთი მნიშვნელოვანი დეტალი – ბავშვის ავტოსავარძლის გამოყენების ვადა.
რატომ აქვს სამგზავრო სავარძელს ვადა?
ისევე, როგორც სურსათს, კოსმეტიკასა ან მედიკამენტებს, სამგზავრო სავარძლებსაც აქვს შეზღუდული ვადა. განსხვავება მხოლოდ ისაა, რომ მათი ექსპლუატაციის პერიოდი გაცილებით ხანგრძლივია – საშუალოდ 6–10 წელი.
ბევრმა შეიძლება იფიქროს, რომ ვადის მითითება მხოლოდ მარკეტინგული მიზეზებისა ან მწარმოებლის სურვილის საფუძველზე ხდება, რათა მომხმარებელმა მეტი თანხა დახარჯოს ქარსითზე, თუმცა სინამდვილეში ასე არ არის. ვადაგასული სავარძელი რეალურად ვერ უზრუნველყოფს დაცვის იმ დონეს, რაც ბავშვის უსაფრთხოებისთვის აუცილებელია.
რა იცვლება წლების განმავლობაში ქარსითში?
გარე იერსახით სავარძელი შეიძლება შესანიშნავ მდგომარეობაში ჩანდეს, მაგრამ მისი უსაფრთხოების მახასიათებლები დროთა განმავლობაში სუსტდება.
- მასალების ცვეთა – პლასტმასა მყიფდება, ლითონის ნაწილები და ღვედები კი – ხუნდება, იცვითება;
- ტექნოლოგიების გაუმჯობესება – თანამედროვე მოდელები უსაფრთხოების მკაცრ ტესტებს გადის, რასაც ძველი სავარძლები ვეღარ აკმაყოფილებს;
- სანდოობის დაკარგვა – წლების წინ დადებითად შეფასებული მოდელი შესაძლოა დღეს აღარ იყოს უსაფრთხო.
ამიტომ ექსპერტები ერთხმად გვაფრთხილებენ, რომ არ უნდა გამოვიყენოთ ვადაგასული ავტოსავარძელი, თუნდაც გარეგნულად იდეალურად გამოიყურებოდეს.
როგორ გადავამოწმოთ ავტოსავარძლის ვადა?
ბავშვის უსაფრთხოების უზრუნველსაყოფად მნიშვნელოვანია, რომ ავტოსავარძელი გადაამოწმოთ. ვადის განსაზღვრად გაითვალისწინეთ შემდეგი ნაბიჯები:
- გადაამოწმეთ ინსტრუქცია – მწარმოებლები კონკრეტულად უთითებენ ვადას ქარსითზე;
- დაათვალიერეთ სავარძელი – მოძებნეთ გამოშვების თარიღი;
- ვადის არარსებობის შემთხვევაში – სავარძლის უსაფრთხო გამოყენების ვადა გამოშვების თარიღიდან 10 წელს არ უნდა აჭარბებდეს.
თუ გიჩნდებათ ეჭვი, თქვენი სავარძელი უსაფრთხოა თუ არა, მოგვმართეთ ლაბებე ბუტიკს და ორგანიზაციას Your Car Seat – ჩვენი სპეციალისტები დაგეხმარებიან გადამოწმებაში.
რატომაა ეს ინფორმაცია მშობლებისთვის მნიშვნელოვანი?
ბავშვის უსაფრთხოება მხოლოდ ერთჯერადი შეძენით არ შემოიფარგლება, ამიტომ მნიშვნელოვანია, რომ:
- რეგულარულად გადაამოწმოთ სავარძლის მდგომარეობა;
- აკონტროლოთ ვადა;
- საჭიროების შემთხვევაში, შეიძინოთ ახალი საბავშვო სამგზავრო სავარძელი, რომელიც იქნება სერტიფიცირებული მოდელი.
ბავშვის ავტოსავარძელი მშობლის ერთ-ერთი ყველაზე მნიშვნელოვანი ინვესტიციაა. სწორად შერჩეული, დამონტანჟებული და ვადიანი სავარძელი გზაზე დამატებით თავდაჯერებულობას გაძლევთ და იცავს ყველაზე ძვირფასს – ბავშვის სიცოცხლეს.
