აღმოაჩინეთ ყველაზე მსუბუქი ეტლი მოგზაურობისთვის
ყველა ოჯახისთვის პირველი და შეუცვლელი დამხმარე საბავშვო ეტლია, რომელიც მრავალი პრობლემის მოგვარებაში ეხმარება მშობლებს. თანამედროვე ეტლი უსაფრთხოების და ყოველდღიური პრაქტიკულობის გარანტიაა და მასთან ერთად გადაადგილება ყველაზე მოსახერხებელია.
შვილისთვის ეტლის შერჩევა ჯერ კიდევ მის დაბადებამდე იწყება, რადგან სამშობიაროდან გამოსვლისთანავე საჭირო ნივთი ხდება. თუ რომელი მოდელი გჭირდებათ, ამის გასარკვევად უნდა განსაზღვროთ ოჯახის საჭიროებები და ბიუჯეტი. Labebe Boutique-ის ონლაინ საბავშვო მაღაზიაში შეძლებთ აღმოაჩინოთ ეტლების რამდენიმე ტიპს – რევერსული სავარძლით, სამეულს, ორეულს, მსუბუქს და სხვ.
თუ პატარასთან ერთად ხშირად მოგზაურობთ ქვეყნის შიგნით თუ მის გარეთ, აუცილებლად გჭირდებათ თქვენზე მორგებული მსუბუქი სასეირნო ეტლი, რომელიც ამ პროცესს სრულად გაგიმარტივებთ. სამოგზაურო სისტემის საფუძველზე შექმნილი ეტლი იდეალურია ოჯახებისთვის, რომლებიც აქტიურად გადაადგილდებიან და ეძებენ ისეთ გზებს, რომლებიც გაამარტივებს მათ თავგადასავლებს ბავშვთან ერთად.
ლაბებეში დაგხვდებათ როგორც სტანდარტული სასეირნო ეტლები, ისე ყველაზე მსუბუქი და კომპაქტური ვარიანტებიც, რომელთა მწარმოებელი Peg Perego-ია, ერთ-ერთი წამყვანი იტალიური ბრენდი მსოფლიო მასშტაბით.
მსუბუქი ეტლის უპირატესობები
საბავშვო ეტლების ვიზუალი, კონსტრუქცია, დანიშნულება და ფუნქციურობა მუდმივად იხვეწება და ვითარდება. საერთაშორისო ბრენდები მშობლებს ყოველ ჯერზე სთავაზობენ ინოვაციურ ეტლებს, რომლებსაც შეუძლია ცხოვრების ხარისხის უკეთესობისკენ შეცვლა.
ბავშვის მსუბუქი სასეირნო ეტლი ერთ-ერთი ტიპია, რომელიც კომპაქტური და პორტატიულია. ეს ეტლი შექმნილია მათთვის, ვისაც სურს უფრო კომფორტული და ადვილად ტრანსპორტირებადი მოდელი, ვიდრე სტანდარტული მოდელებია.
მსუბუქი ეტლები, ზოგადად, უფრო ადვილად სატარებელია. ისინი იდეალურია მშობლებისთვის, რომლებიც ხალხმრავალ ადგილებში ხშირად მოძრაობენ, სარგებლობენ საზოგადოებრივი ტრანსპორტით ან თვითმფრინავით. Peg Perego Volo სწორედ ასეთი ეტლია, რომელიც სულ რაღაც 5,4 კილოგრამს იწონის და ყველაზე მსუბუქი მოდელია თავის კატეგორიაში.
სასეირნო ეტლი უფრო ნაკლებ სივრცეს იკავებს დაკეცვისას, რაც საშუალებას გაძლევთ, რომ შეინახოთ მანქანის საბარგულში, კარადასა ან თვითმფრინავის ზედა თაროზე. ეს განსაკუთრებით მომგებიანი ფაქტორია მათთვის, ვისთვისაც სახლში ადგილის დაზოგვა პრიორიტეტულია.
Peg Perego Volo-ის მახასიათებლები
იტალიური საბავშვო კომპანია აწარმოებს სხვადასხვა ტიპის ეტლებს, რომელთა აღმოჩენაც ლაბებეში შეგიძლიათ. გამორჩეული ხარისხი, უსაფრთხო მასალები, გემოვნებიანი სტილი მთლიან ასორტიმენტს ეხება, რის გამოც მშობლების საყვარელი არჩევანია.
ბრენდის საბავშვო სასეირნო ეტლი Volo-ის კოლექციიდან ულტრა მსუბუქია და წამებში იკეცება. აღჭურვილია დაკეცვის ცენტრალიზებული სისტემით და არ საჭიროებს საყრდენს. როგორც ზემოთ აღვნიშნეთ, ეტლის ეს ვარიანტი იდეალურია მაშინაც, თუკი თვითმფრინავით მგზავრობთ, რადგან მისი შენახვა პირდაპირ კაბინაში შეგიძლიათ. ეტლის ზომები შეადგენს 44,5x25x50 სმ-ს და ერგება ხელბარგის ზომებსაც.
აღნიშნული ეტლით ყოველთვის შეძლებთ გადაადგილებას ვიწრო ადგილებში, რადგან თითოეულ საბურავს გააჩნია ამორტიზატორები და ბურთულა საკისრები, ხოლო Easy Drive-ის სისტემითა და ცენტრალური მუხრუჭით იოლად გააჩერებთ. გარდა ამისა, საბავშვო სასეირნო ეტლის საზურგე და ფეხების საყრდენი რეგულირდება და ყოველგვარი გართულების გარეშე შეძლებთ მოერგოთ ბავშვის ასაკსა და საჭიროებებს.
პროდუქტი რეკომენდებულია დაბადებიდან 22 კგ-ამდე, რაც საკმაოდ ხანგრძლივ პერიოდს მოიცავს, რომ თავისუფლად იმოგზაუროთ შვილთან ერთად და აღმოაჩინოთ ახალ-ახალი ადგილები.
Volo სამოგზაურო ეტლს დამატებით მოჰყვება სამგზავრო ჩანთა მეტი კომფორტისთვის და მოსახერხებელი გადაადგილებისთვის. ეტლს კი გააჩნია ტევადი სათავსო კალათა, რომელშიც შეგიძლიათ შეინახოთ ყველა საჭირო ნივთი, რაც ბავშვის მოვლას სჭირდება.
ბავშვების უსაფრთხოება ყოველთვის უმთავრესი პრიორიტეტია და იტალიური ბრენდის მსუბუქ ეტლთან შეგიძლიათ მშვიდად იყოთ – მისი უსაფრთხოების ღვედი მაგნიტური სამაგრით იკვრება წამებში და პატარას სრულად აქვს დაცული სივრცე, სადაც თავს მყუდროდ იგრძნობს.
ლაბებეში Peg Perego Volo-ის მსუბუქი სასეირნო ეტლები ხელმისაწვდომია 4 ტონალობაში და თითოეული მათგანი იდეალურად ეხამება ურბანულ ცხოვრებას. დახვეწილი დიზაინი ყოველთვის გამოგარჩევთ გარეთ ყოფნისას და გეცოდინებათ, რომ ამის მიღმა ფუნქციური პროდუქტი იმალება.
ექსკლუზიური საბავშვო სასეირნო ეტლის შერჩევა სახლიდან გაუსვლელად შეგიძლიათ, შეძენილ პროდუქციას კი 24 საათის განმავლობაში სასურველ მისამართზე მიიღებთ. ონლაინ შოპინგის ასეთი გამოცდილება დაგიზოგავთ დროს და რესურსს.
Labebe boutique-ში არა მხოლოდ ბავშვის მსუბუქ ეტლებს აღმოაჩენთ, არამედ ყველა იმ ნივთს, რაც პატარას სჭირდება სრული ჰარმონიისთვის – დაწყებული აქსესუარებით დამთავრებული პრემიუმ კატეგორიის ავეჯით.
