აღმოაჩინეთ ჭკვიანი საბავშვო საწოლი Foppapedretti-ისგან

ბავშვის ძილი გავლენას ახდენს მის ყოველდღიურ განწყობაზე, განვითარებასა და ოჯახის საერთო რიტმზე. სწორედ ამიტომ საბავშვო საწოლის შერჩევა ერთ-ერთი ყველაზე გააზრებული და მნიშვნელოვანი გადაწყვეტილებაა, რომელსაც მშობლები ჯერ კიდევ მაშინ იღებენ, სანამ პატარას მოლოდინში არიან.

როცა ბავშვი მშვიდად იძინებს, იცვლება ყველაფერი – დღე უფრო დაბალანსებული ხდება, ღამეები ნაკლებად დაძაბული, ხოლო მშობლებს რჩებათ მეტი ენერგია ყოველდღიური საქმეებისთვის. მანამ, სანამ შვილისთვის საუკეთესო საბავშვო საწოლს აირჩევთ, აუცილებელია გაეცნოთ სხვადასხვა ბრენდის მოდელებს და უპირატესობა მიანიჭოთ არა მხოლოდ ვიზუალს, არამედ პროდუქტის ტექნიკურ მახასიათებლებსაც, რათა მაქსიმალურად პასუხობდეს თქვენს საჭიროებებსა და სურვილებს.

თუ ეძებთ უსაფრთხო, ინოვაციურ და ხარისხიან საბავშვო საწოლს, იტალიური პრემიუმ ბრენდი Foppapedretti ერთ-ერთი ყველაზე სანდო არჩევანი იქნება. ბრენდი გთავაზობთ ფუნქციონალურად მდიდარ პროდუქციას, რომელიც ბავშვის უსაფრთხოებასა და ყოველდღიურ კომფორტს თანაბრად უზრუნველყოფს.

Foppapedretti – ტოპ იტალიური ბრენდი

Foppapedretti-ის ისტორია იწყება 1945 წელს, იტალიის ქალაქ ბერგამოში. ახალგაზრდა ეციო ფოპაპედრეტი ხის სათამაშოებს ქმნიდა ქოლგის სახელურების ნარჩენებისგან. უკვე 1946 წელს ოჯახის მხარდაჭერით დაარსდა საწარმო, რომელმაც საფუძველი ჩაუყარა ბრენდს, რომელიც დღეს მთელ მსოფლიოში ასოცირდება ფუნქციურობასთან, უსაფრთხოებასა და იტალიურ დიზაინთან.

1950-იანი წლებიდან ბრენდი იწყებს საბავშვო ავეჯის წარმოებას – საწოლებს, გამოსაცვლელ მაგიდებს, სკამ-მაგიდებს. მოგვიანებით კი დაემატა ბაღისა და საოჯახო ავეჯი, ხოლო 2004 წლიდან – საბავშვო ეტლები და ბავშვის მოვლის ინოვაციური პროდუქტები.

დღემდე უცვლელია ერთი მთავარი ღირებულება – ხარისხი, რომელსაც მომხმარებლები ენდობიან. 2001 წელს იტალიაში ჩატარებულმა კვლევამ Foppapedretti საუკეთესო ბრენდების სამეულში დაასახელა, რის შედეგადაც ის სიაში ფერარის გვერდით მოხვდა.

საქართველოში Foppapedretti-ის ოფიციალური წარმომადგენელი ლაბებე ბუტიკია, რაც მომხმარებელს ავთენტური პროდუქციისა და ოფიციალური გარანტიის მიღების საშუალებას აძლევს.

რატომ ირჩევენ მშობლები Foppapedretti-ის საბავშვო საწოლებს?

Foppapedretti გამოირჩევა ტექნოლოგიური სიზუსტითა და ინოვაციებით, რამაც ბრენდის პროდუქცია ბაზარზე გამორჩეულ კატეგორიად აქცია. მიუხედავად ხშირი კოპირების მცდელობებისა, იტალიური ბრენდის ავეჯი ინარჩუნებს საკუთარ იდენტობას – ფუნქციურობასა და დიზაინს, რომლებიც ერთმანეთისგან განუყოფელია.

უსაფრთხოების უმაღლესი დონე და წარმოების სტანდარტების მკაცრი კონტროლი კომპანიის ფილოსოფიის საფუძველს წარმოადგენს. სწორედ ამიტომ თითოეული პროდუქტი სრულად შეესაბამება ევროკავშირის მოქმედ ნორმებსა და სერტიფიკატებს.

ბავშვის ავეჯის შერჩევა პასუხისმგებლობით სავსე პროცესია, რადგან გარემო, რომელშიც ბავშვი იზრდება და ისვენებს, პირდაპირ გავლენას ახდენს მის ფიზიკურ და ემოციურ განვითარებაზე. შესაბამისად, საწოლი ქმნის უსაფრთხო და კომფორტულ სივრცეს ბავშვის ცხოვრების პირველ ეტაპზე.

Foppapedretti-ის ახალშობილის საწოლის არჩევისას იღებთ:

• ეკოლოგიურად სუფთა, არატოქსიკური მასალებისგან დამზადებულ ნივთს;
• ინოვაციურ ფუნქციებს ბავშვის ძილის გასაუმჯობესებლად;
• პრაქტიკულ დიზაინს მშობლების ყოველდღიური საჭიროებებისთვის;
• გამოყენების შესაძლებლობას დაბადებიდან რამდენიმე წლის განმავლობაში.

Foppapedretti iCrib Evolutive – ჭკვიანი საბავშვო საწოლი ტირილის დეტექტორით

Foppapedretti iCrib Evolutive ინოვაციური საბავშვო საწოლია, რომელიც აერთიანებს თანამედროვე ტექნოლოგიებს, უსაფრთხოების მაღალ სტანდარტებსა და ყოველდღიურ პრაქტიკულობას. მოდელი შექმნილია იმ ოჯახებისთვის, რომლებიც ბავშვის სიცოცხლის პირველივე დღეებიდან ითხოვენ მაქსიმალურ კომფორტს როგორც ჩვილისთვის, ისე – საკუთარი თავისთვის. საწოლი გამოიყენება დაბადებიდან დაახლოებით 3 წლამდე და ადაპტირდება ბავშვის ზრდასთან ერთად, რაც მას გრძელვადიან და გააზრებულ არჩევანად აქცევს.

ელექტრო რწევის სისტემა აღჭურვილია ტირილის დეტექტორით, რომელიც ბავშვის ხმაზე ავტომატურად რეაგირებს და იწყებს რწევას მშობლის ჩარევის გარეშე. ქანქარისებური მოძრაობა მუშაობს 5 განსხვავებულ სიჩქარეზე, რაც საშუალებას გაძლევთ ინდივიდუალურად მოარგოთ რწევის ტიპი ბავშვის რიტმსა და საჭიროებებს. დამატებითი კომფორტისთვის საწოლში ინტეგრირებულია 23 დამამშვიდებელი მუსიკალური მელოდია, რომლებიც ხელს უწყობს სწრაფ და მშვიდ დაძინებას.

საბავშვო საწოლის მართვის სისტემა მაქსიმალურად მოსახერხებელია – ფუნქციების კონტროლი შესაძლებელია როგორც სენსორული ეკრანიდან, ისე – დისტანციური პულტის საშუალებით, რაც განსაკუთრებით მნიშვნელოვანია ღამის საათებში. სიმაღლის რეგულირების 8 პოზიცია საშუალებას გაძლევთ საწოლი მოარგოთ როგორც საკუთარი საწოლის სიმაღლეს, ისე – სხვადასხვა ყოველდღიურ სცენარს ბავშვის ამოყვანისა და ჩასმის პროცესის გამარტივებით.

iCrib Evolutive აღჭურვილია ანტირეფლუქსური ფუნქციით, რომლის მეშვეობითაც ბავშვის თავი ოდნავ მაღლაა განთავსებული – ეს მნიშვნელოვანი დეტალია ჩვილებისთვის, რომლებსაც ხშირად აქვთ რეფლექსი ან სუნთქვასთან დაკავშირებული დისკომფორტი. ჰაერგამტარი საბავშვო მატრასი და ბადისებრი გვერდები უზრუნველყოფს სრულფასოვან ვენტილაციას, ამცირებს გადახურების რისკს და ქმნის უსაფრთხო, ჯანმრთელ გარემოს ძილისთვის.

საწოლის დამატებითი უპირატესობაა ტრანსფორმაციის შესაძლებლობა. საჭიროების შემთხვევაში საწოლ-აკვანი მარტივად გარდაიქმნება სათამაშო მანეჟად და იტვირთება 15 კგ-ამდე, რაც მნიშვნელოვნად ახანგრძლივებს მისი გამოყენების პერიოდს. ეს ფუნქცია განსაკუთრებით მოსახერხებელია დღის საათებში, როდესაც პატარას სჭირდება უსაფრთხო სივრცე თამაშისა და აქტივობისთვის.

Foppapedretti iCrib Evolutive მოთხოვნადია იმ მშობლებს შორის, რომლებიც აფასებენ ტექნოლოგიით გამარტივებულ ყოველდღიურობას, მშვიდ ღამეებსა და ბავშვის კომფორტულ ძილს.

Foppapedretti Inanna – ახალშობილის აკვანი

იმ შემთხვევაში, თუ არჩევთ კლასიკური კონცეფციის მქონე აკვანს, მაგრამ თანამედროვე დიზაინით, Foppapedretti Inanna იდეალური არჩევანი იქნება და ზუსტად მათთვისაა, ვინც ეძებს სტაბილურ, კომფორტულ და ვიზუალურად დახვეწილ საბავშვო აკვანს.

უპირატესობები:

• მყარი კონსტრუქცია და უსაფრთხო მასალები;
• ჰაერგამტარი, რბილი ქსოვილები;
• გამოიყენება დაბადებიდან 6 თვემდე;
• ნეიტრალური ფერები, რომლებიც მარტივად ერწყმის ინტერიერს;
• ქსოვილი იხსნება და ხელით გარეცხვა შესაძლებელია 30°-ზე.

ბავშვის აკვანი Foppapedretti iNanna შექმნილია იმისათვის, რომ პატარას თქვენთან ახლოს ეძინოს, მაგრამ მაინც თავის ცალკე სივრცეში. აკვნის დადგმა შეიძლება თქვენი საწოლის გვერდით ისე, რომ ბავშვს მარტივად უყურებდეთ და იოლად უვლიდეთ ღამის საათებში.

რატომ უნდა შეიძინოთ Foppapedretti-ის საწოლი ლაბებე ბუტიკში?

თუ გსურთ საბავშვო საწოლ-აკვანი, რომელიც ერთდროულად არის უსაფრთხო, კომფორტული და თანამედროვე ტექნოლოგიებით აღჭურვილი, Foppapedretti-ის iCrib Evolutive და iNanna – სწორედ ის მოდელებია, რომლებიც თქვენს მოთხოვნებს უპასუხებს. ორივე საწოლი შექმნილია ისე, რომ გაამარტივოს მშობლებისთვის ღამე, უზრუნველყოს ბავშვის მშვიდი ძილი და თან იმუშაოს ისე, როგორც რეალურ ცხოვრებაში არის საჭირო.

რას გთავაზობთ Labebe Boutique?

• ბრენდის ოფიციალურ წარმომადგენლობას საქართველოში, რაც ადასტურებს პროდუქციის ორიგინალობას;
• მხოლოდ ავთენტურ და სერტიფიცირებულ საბავშვო ნივთებს;
• ინდივიდუალურ კონსულტაციას – ჩვენი გუნდი დაგეხმარებით სწორად შეარჩიოთ სასურველი პროდუქტები;
• სწრაფ და უსაფრთხო მიწოდებას ონლაინ შოპინგისას.

ლაბებეში შოპინგი მარტივი და მოსახერხებელია, რადგან ჩვენ ვიცით, რა მნიშვნელოვანია მშობლისთვის ხარისხი, უსაფრთხოება და სიმშვიდე, როცა საქმე ყველაზე პატარებს ეხება.