აღმოაჩინეთ Britax Römer უკვე ლაბებეში – საუკეთესო საბავშვო ავტოსავარძლები

Labebe Boutique-ის ვებგვერდსა თუ მაღაზიაში მუდმივად ჩნდება ახალ-ახალი და პრემიუმ კლასის საერთაშორისო საბავშვო ბრენდები, რომლებიც უმაღლესი ხარისხის პროდუქციას სთავაზობს მშობლებს. სულ ახლახან ლაბებეს სივრცეში წამყვანი გერმანული კომპანია გამოჩნდა, რომელიც აწარმოებს საუკეთესო ავტოსავარძლებს.

Britax Römer – გერმანული საბავშვო ბრენდია, რომელიც 1966 წლიდან ოპერირებს და ზრუნავს ბავშვების კომფორტზე, უსაფრთხოებაზე, მდგრადობასა და ბედნიერებაზე. კომპანიის მრავალფეროვან ასორტიმენტში შეხვდებით როგორც ქარსითებს, ისე – საბავშვო ეტლებს და ყველანაირი ტიპის აქსესუარებს, რაც ამ პროდუქტებს სჭირდება.

ოჯახური მოგზაურობა ყოველთვის იწყება უსაფრთხოების შექმნით, რაშიც სწორედ ეს ბრენდი დაგეხმარებათ. ჩვილის თუ სკოლის ასაკის ბავშვის დაცულობა უპირველესი პრიორიტეტია, რასაც მშობლების სიმშვიდეც მოჰყვება. Britax Römer-ის მთავარ მისიას ყველაზე პატარა მგზავრებზე ზრუნვა წარმოადგენს, რისთვისაც იქმნება დატესტილი და სერტიფიცირებული მანქანის სავარძლები.

კომპანიის თითოეული ავტოსავარძლის და ეტლის შექმნის პროცესი ხანგრძლივია, რათა დააკმაყოფილოს უმაღლესი ხარისხის სტანდარტები და მშობლებს სიმშვიდე მიანიჭოს. დეტალებზე ორიენტირებული ბრენდი ყოველ პროდუქტს ზედმიწევნით ამოწმებს, სანამ მომხმარებლებს წარუდგენს. ამ მიზნით 2017 წელს Britax Römer-მა გახსნა მსოფლიოში ერთ-ერთი ყველაზე თანამედროვე ტესტირების ცენტრი, სადაც უმჯობესდება უსაფრთხოების სტანდარტები.

ლაბებეში უკვე შეგიძლიათ აღმოაჩინოთ ამ ბრენდის საბავშვო სავარძლები და იმოგზაუროთ მშვიდად ნებისმიერ ადგილას. ბავშვის ასაკისა და საჭიროებების მიხედვით შერჩეული ქარსითი უზრუნველყოფს უსაფრთხო მგზავრობებს და გააუმჯობესებს მთელი ოჯახის ცხოვრების ხარისხს.

Britax Römer-ის ავტოსავარძლის ტიპები

Labebe-ის ვებგვერდზე შეხვდებით ბრენდის ბავშვის სავარძლების 8 კოლექციას, რომლებიც სხვადასხვა ასაკობრივ ჯგუფს მიეკუთვნება. ქარსითის არჩევა იწყება მიზნების დადგენით – რა ასაკიდან და სანამდე გსურთ მისი გამოყენება, რა ფუნქციებით უნდა იყოს აღჭურვილი.

ამჟამად ასორტიმენტი მოიცავს 5 კატეგორიას: დაბადებიდან 15 თვემდე/4 წლამდე/7 წლამდე, 3 თვიდან 4 წლამდე, 15 თვიდან 12 წლამდე. ასეთი მრავალფეროვანი არჩევანი საშუალებას გაძლევთ მოერგოთ თქვენს სურვილებს, ბავშვის საჭიროებებს და, რაც მთავარია, გამოყოფილ ბიუჯეტს.

გონივრული ინვესტიცია იქნება, თუკი შეარჩევთ ქარსითის, რომელიც რამდენიმე წელი შეუფერხებლად მოგემსახურებათ და თავიდან აირიდებთ ზედმეტ ხარჯებს. გასათვალისწინებელია ისიც, რომ ავტოსავარძელი სიცოცხლის პირველივე დღეებიდანაა რეკომენდებული, რათა ჩვილი მაქსიმალურად უსაფრთხო გარემოში იმგზავროს და შეამციროთ შესაძლო დაზიანებების მიღების რისკი.

თითოეული კოლექციის მოდელები ხელმისაწვდომია სხვადასხვა ფერში, ამიტომ სასურველი ვარიანტის პოვნა კიდევ უფრო გამარტივებული პროცესი იქნება თქვენთვის. 

Advansafix Pro

Britax Römer Advansafix Pro ბავშვის სავარძელია, რომელიც გამოიყენება 15 თვიდან 12 წლამდე, ანუ მოიცავს ბავშვის განვითარების თითქმის ყველა ეტაპს. სავარძელი იდეალურია 75-150 სმ-ის სიმაღლის პატარებისთვის და მათთან ერთად იზრდება. 

საბავშვო ავტოსავარძელი შეესაბამება i-Size-ის უსაფრთხოების უახლეს სტანდარტებს (UN R129) და, შედეგად, ქმნის დაცულ გარემოს მგზავრობის დროს. იქიდან გამომდინარე, რომ ეს ქარსითი მოზრდილობამდე გამოიყენება, აღჭურვილია ამა თუ იმ ფუნქციებით, რომლებითაც რეგულირდება ყოველი დეტალი – უსაფრთხოების ღვედი, თავსადები, დახრილობის კუთხე და ა.შ.

როგორც კი თქვენი პატარა წამოიზრდება, შესაძლებელია, რომ ქარსითის 5-წერტილოვანი უსაფრთხოების ღვედი ჩაანაცვლოთ მანქანის 3-წერტილოვნით, რაშიც FLIP&GROW ფუნქცია დაგეხმარებათ. გარდა ამისა, ბავშვის სავარძელს EasyRecline სისტემაც გააჩნია, რომელიც უფრო გაგიმარტივებთ ისეთი გარემოს შექმნას, სადაც პატარა მშვიდად დაიძინებს.

ADVANSAFIX PRO ქარსითი იცავს ბავშვს ნებისმიერი გარე ფაქტორის ზემოქმედებისგან. მოდელი აღჭურვილია Side Impact Cushion Technology (SICT) სისტემით, რომელიც 40%-ამდე ამცირებს გვერდითა დარტყმებისგან წამოსულ ენერგიას. ასევე, Britax Römer-ის ავტოსავარძელი გთავაზობთ XP-PAD ბალიშსაც, რომელიც შთანთქავს პირდაპირი შეჯახებისგან წარმოქმნილ ენერგიას. სპეციალური ბალიში 30%-ამდე ამცირებს ბავშვის თავის წინ გამოძრავებას, რაც, მეორე მხრივ, ხელს უშლის ნიკაპის გულმკერდთან შეხებასაც.

Evolvafix

კიდევ ერთი კოლექცია, რომელიც ამ ასაკობრივ ჯგუფს მიეკუთვნება, Britax Römer Evolvafix-ია. საბავშვო სავარძელი გთავაზობთ თავდაცვის დამატებით სისტემას – SecureGuard-ს, რომელიც პირდაპირი დარტყმისგან გაორმაგებულად იცავს პატარას. ქარსითი აღჭურვილია მეოთხე წერტილის შესაკრავით 3-წერტილოვანი ღვედისთვის, რომლითაც უფრო მჭიდროდ მაგრდება წელის ღვედი ბავშვის მენჯთან.

SecureGuard 35%-ამდე ამცირებს მუცლის არეზე დარტყმის ენერგიის დატვირთულობას. ვინაიდან ეს ღვედი პატარას არაფერში ზღუდავს, ასაკის მატებასთან ერთად შენარჩუნებული იქნება თავდაპირველი კომფორტიც.

ბავშვის ქარსითის მაღალი საზურგე, ღრმა გვერდები და V ფორმის თავსადები აქვს, რაც მთლიანობაში პატარას სამმაგად იცავს და უზრუნველყოფს მის დაცულობას.

Baby Safe Pro

360°-ით მბრუნავი მექანიზმით დამზადებული ავტოსავარძელი არაერთი მშობლის საოცნებო მოდელია, რომელიც ყოველდღიურობას ამარტივებს. Britax Römer Baby Safe Pro ზუსტად ასეთია – მსუბუქი, მოქნილი, ესთეტიკურად დახვეწილი და ფუნქციური ქარსითი.

აღნიშნული ავტოსავარძლის წონა 3,9 კილოგრამია, რაც მას ულტრა მსუბუქ სავარძლად აქცევს. მბრუნავი VARIO BASE 5Z ბაზა საშუალებას გაძლევთ მანქანის ღია კარისკენ მიატრიალოთ ავტოსავარძელი, რაც შესამჩნევად გაგიადვილებთ ბავშვის ჩასმას, მის ამოყვანასა და ღვედის შეკვრას. 

განსაკუთრებით აღსანიშნია ის, რომ ბავშვის ქარსითი Babe Safe Pro ერგება Britax Römer-ის და სხვა წამყვანი ბრენდების საბავშვო ეტლების ალუმინის შასის, რაც თქვენსა და ბავშვის თითოეულ მოკლე თუ ხანგრძლივ მოგზაურობას კიდევ უფრო გამორჩეულს გახდის.

Dualfix Pro Lux

იდეალური საბავშვო ავტოსავარძლის ძიებისას არ უნდა გამოგრჩეთ DUALFIX PRO, რადგან გერმანული ბრენდის ამ ქარსითის მოდელი გთავაზობთ ყველანაირ კომფორტს კომპრომისების გარეშე. ქარსითი გამოიყენება დაბადებიდან 4 წლამდე და აღჭურვილია მბრუნავი მექანიზმით.

DUALFIX PRO ბავშვის ქარსითის ყოველთვის შეგიძლიათ ენდოთ, ვინაიდან გერმანული ხარისხისა და გონივრული გადაწყვეტილების კომბინაციას წარმოადგენს. Britax Römer-ის მიერ შექმნილი თანამედროვე ავტოსავარძელი სცდება უსაფრთხოების ჩვეულ სტანდარტებს და გავლილი აქვს უფრო მკაცრი ქრაშ ტესტირებები.

ბავშვის სავარძლის მანქანაში დამაგრებისას თავად შეგიძლიათ გადაწყვიტოთ, რომელი მიმართულებით მოათავსოთ ის – მოძრაობის თუ მის საწინააღმდეგოდ. 360°-ის ფუნქცია კი საშუალებას გაძლევთ, რომ ნებისმიერ დროს მარტივად, სწრაფად და მოხერხებულად ჩასვათ/ამოიყვანოთ შვილი და გააგრძელოთ მგზავრობა.

Swivel

SWIVEL მანქანის სავარძელი თქვენი შვილის საუკეთესო მეგზური და მშვიდობიანი მგზავრობების გარანტია იქნება ბავშვის დაბადებიდან 7 წლამდე (125 სმ-ამდე). ამ მოდელის ქარსითებს ლაბებეში 5 განსხვავებულ ფერში აღმოაჩენთ და შეძლებთ აირჩიოთ ყველაზე ოპტიმალური, რომელიც პატარას ხასიათს ყველაზე მეტად შეეხამება.

გერმანული საბავშვო სავარძელი SWIVEL არა მხოლოდ უსაფრთხო თავგადასავლების შემქმნელია, არამედ საუკეთესო დამხმარეც მშობლობის გზაზე. სავარძლის 5-წერტილოვანი უსაფრთხოების ღვედი საშუალებას გაძლევთ, რომ ბავშვი ახლა უკვე 4 წლამდე (105 სმ-ამდე) ამგზავროთ მოძრაობის მიმართულების საპირისპიროდ.

ავტოსავარძელს დამატებით გააჩნია რეგულირებადი საყრდენი, რომელიც მაგრდება მანქანის ძირზე, რაც განაპირობებს უფრო მეტ სტაბილურობას. სპეციალური ნიშნულის დახმარებით, მარტივად გადაამოწმებთ, რამდენად მჭიდროდაა მიერთებული საყრდენი, რაც, თავის მხრივ, უზრუნველყოფს ქარსითის სწორ დამონტაჟებას.

Dualfix 5Z

ბავშვები რომ მალე იზრდებიან და ხშირად ჩაუცმელადაც უპატარავდებათ ტანსაცმელი, უტყუარი ფაქტია, მაგრამ DUALFIX 5Z ავტოსავარძელი ამ დარდს წამში გაგიქარვებთ. ქარსითი განკუთვნილია ბავშვებისთვის 3 თვიდან 4 წლის ასაკამდე და აღჭურვილია დახრილობის 12 პოზიციითა და V ფორმის თავსადებით.

ბავშვის მბრუნავ სავარძელს გააჩნია თავისუფალი სივრცე ფეხებისთვის, რათა მგზავრობის დროს პატარა არ დაუბუჟდეს და გადაეღალოს, ხოლო ავტოსაგზაო შემთხვევაში მობრუნების საწინააღმდეგო ოპტიმიზირებული და დამოკლებული დისკი თავიდან აგაცილებთ ავტოსავარძლის გადატრიალებას.

შეარჩიეთ საუკეთესო ხარისხის საბავშვო ავტოსავარძელი გერმანული ტოპ ბრენდისგან და იმგზავრეთ დაძაბულობის გარეშე. Labebe Boutique-ში იდეალური ქარსითის პოვნას მარტივად შეძლებთ, მთავარია, წინასწარ განსაზღვროთ, რა მოთხოვნები უნდა დააკმაყოფილოს სავარძელმა.შეძენილ პროდუქტს კი სასურველ მისამართზე 24 საათის განმავლობაში მიიღებთ.