შეიძლება თუ არა ვარჯიში ორსულობის დროს?
ორსულობა საოცარი და საინტერესო პერიოდია ქალის ცხოვრებაში და ამ დროს განსაკუთრებული ყურადღება ექცევა როგორც მომავალი დედის, ასევე მუცლადმყოფი ბავშვის ჯანმრთელობას. ერთ-ერთი კითხვა, რომელიც ხშირად აწუხებს ორსულებს, არის – შესაძლებელია თუ არა ვარჯიში ორსულობისას?
მიუხედავად იმისა, რომ ამ საკითხისადმი არაერთი მითი და აზრთა სხვადასხვაობა არსებობს, ფეხმძიმობისას ვარჯიში დაშვებულია და ბევრი სარგებელი მოაქვს, თუმცა უკეთესი და აუცილებელიცაა, რომ ყოველი დეტალი პირად ექიმთან გაიაროთ და დააზუსტოთ.
ამ ბლოგში იმ რამდენიმე მიზეზს გაგიზიარებთ, რომელთა გამო ვარჯიში მნიშვნელოვან და საჭირო ასპექტად ითვლება ორსულობის დროს.
რეგულარული ვარჯიში ხელს უწყობს წონის კონტროლს და კუნთების ტონუსის შენარჩუნებას, რაც განსაკუთრებით მნიშვნელოვანია ორსულობის მთელი პერიოდის განმავლობაში.
ფიზიკური აქტივობით გამოიყოფა ენდორფინის ჰორმონი, რომელიც აუმჯობესებს განწყობას და ქალს ეხმარება გაუმკლავდეს არსებულ სტრესს.
როცა ორსული ქალი ვარჯიშობს, ძილის რეჟიმის დარეგულირებაც უფრო მარტივი ხდება, რადგან ყველამ ვიცით, რომ ამ დროს სასურველ პოზაში ძილი ხანდახან შეუძლებელია და ბევრ ქალს უჭირს დაძინება.
სისტემატურად ვარჯიში, თუნდაც მსუბუქად, მომავალ დედას ფიზიკურ მომზადებაში ეხმარება, რამაც შეიძლება გააადვილოს მშობიარობის პროცესი და
სანამ ვარჯიშს დაიწყებდით, რეკომენდებულია, რომ სპეციალისტთან გაიაროთ კონსულტანცია და შეამოწმოთ თქვენი და ბავშვის ჯანმრთელობა, რათა ნებისმიერი პრობლემის არსებობა გამოირიცხოს.
გარდა ამისა, ყველა სახის ფიზიკური დატვირთვა დაუშვებელია ორსულებისთვის და ნებისმიერი ვარჯიშის დაწყებამდე აუცილებლად მიმართეთ ექიმს. ის შეაფასებს თქვენსა და ნაყოფის მდგომარეობას და მოგცემთ რეკომენდაციებს დასაშვებ დატვირთვებზე.
